ബംഗ്ലാദേശും ഓസ്ട്രേലിയയും തമ്മിലുള്ള രണ്ടാം ടെസ്റ്റ് മത്സരം ഗ്രേറ്റ് ബാരിയര് റീഫ് അരേനയില് നടക്കുകയാണ്. മത്സരത്തില് ടോസ് നേടി ബൗളിങ് തെരഞ്ഞെടുത്ത ഓസ്ട്രേലിയ ബംഗ്ലാദേശിന് വമ്പന് തിരിച്ചടിയാണ് നല്കിയത്. 64 റണ്സിന് ബംഗ്ലാദേശിനെ ഓള്ഔട്ട് ചെയ്തിരിക്കുകയാണ് ഓസ്ട്രേലിയ. ബംഗ്ലാദേശിന്റെ ടെസ്റ്റ് ചരിത്രത്തിലെ ഏറ്റവും കുറഞ്ഞ നാലാമത്തെ ടോട്ടലാണിത്.
വിക്കറ്റ് വേട്ടയ്ക്ക് പിന്നാലെ ഒരു തകര്പ്പന് റെക്കോഡും സ്റ്റാര്ക്ക് സ്വന്തമാക്കിയിരിക്കുകയാണ്. ലോക ടെസ്റ്റ് ചാമ്പ്യന്ഷിപ്പില് ഏറ്റവും കൂടുതല് വിക്കറ്റ് നേടുന്ന താരമാകാനാണ് സ്റ്റാര്ക്കിന് സാധിച്ചത്. 56 മത്സരത്തില് നിന്നാണ് സ്റ്റാര്ക്ക് ഈ നേട്ടം കൊയ്തത്. ഈ നേട്ടത്തില് ഓസീസ് ക്യാപ്റ്റന് പാറ്റ് കമ്മിന്സിനെ അടക്കം വെട്ടിയാണ് സ്റ്റാര്ക്കിന്റെ തേരോട്ടം.
ലോക ടെസ്റ്റ് ചാമ്പ്യന്ഷിപ്പില് ഏറ്റവും കൂടുതല് വിക്കറ്റ് നേടുന്ന താരങ്ങള്
മിച്ചല് സ്റ്റാര്ക്ക് (ഓസ്ട്രേലിയ) – 230
പാറ്റ് കമ്മിന്സ് (ഓസ്ട്രേലിയ) – 225
നാഥന് ലയണ് (ഓസ്ട്രേലിയ) – 225
ആര്. അശ്വിന് (ഇന്ത്യ) – 195
ജസ്പ്രീത് ബുംറ (ഇന്ത്യ) – 185
🚨 HISTORY BY MITCHELL STARC 🥶
Starc is the leading wicket taker in WTC history with 230 wickets from 56 Tests.
ആദ്യ 22 പന്തില് നിന്നാണ് സ്റ്റാര്ക്ക് ഫൈഫര് സ്വന്തമാക്കിയത് എന്നത് എടുത്തുപറയേണ്ടതാണ്. റെഡ് ബോളില് 107ാം മത്സരത്തിലെ 205ാം ഇന്നിങ്സില് നിന്നാണ് സ്റ്റാര്ക്ക് 440 വിക്കറ്റുകള് സ്വന്തമാക്കുന്നത്.
സ്റ്റാര്ക്കിന് പുറമെ ക്യാപ്റ്റന് പാറ്റ് കമ്മിന്സ് മൂന്ന് വിക്കറ്റും ജോഷ് ഹേസല്വുഡ് ഒരു വിക്കറ്റും നേടി.
അതേസമയം നിലവില് ആദ്യ ഇന്നിങ്സില് ബാറ്റ് ചെയ്യുന്ന ഓസ്ട്രേലിയ 10 ഓവര് പൂര്ത്തിയായപ്പോള് മൂന്ന് വിക്കറ്റ് നഷ്ടത്തില് 50 റണ്സാണ് നേടിയത്.
Content Highlight: Mitchell Starc Surpass Pat Cummins And Nathan Lion in World Test Championship
