മുംബൈ: മഹാരാഷ്ട്ര തദ്ദേശ തെരഞ്ഞെടുപ്പില് ബി.ജെ.പിയുടെ മഹായുതി സഖ്യത്തിന് മുന്നേറ്റം. 288 മുനിസിപ്പല് കൗണ്സിലുകളിലും നഗര പഞ്ചായത്തുകളിലുമായി 127 സീറ്റുകളില് ലീഡ് നേടി ബി.ജെ.പി ഏറ്റവും വലിയ ഒറ്റകക്ഷിയായി.
ബി.ജെ.പി സഖ്യമായ മഹായുതി നഗര പഞ്ചായത്തുകളില് 212ലേറെ സീറ്റുകള് നേടി. മഹാവികാസ് അഘാടി 53 സീറ്റുകളില് മാത്രമാണ് ലീഡ് ചെയ്യുന്നത്.
കോണ്ഗ്രസിന് 36ഉം, ശിവസേന(യു.ബി.ടി)ക്ക് ഒമ്പതും എന്.സി.പി (എസ്.പി) എട്ട് സീറ്റുകളിലുമാണ് ലീഡെടുക്കാനായത്. ഉച്ചയ്ക്ക് 2.30 വരെയുള്ള കണക്കാണിത്. ഞായറാഴ്ച രാവിലെയാണ് വോട്ടെണ്ണല് ആരംഭിച്ചത്.
മഹാരാഷ്ട്ര തദ്ദേശ തെരഞ്ഞെടുപ്പില് വിദര്ഭ, മറാത്തവാഡ, വടക്കന് മഹാരാഷ്ട്ര, പടിഞ്ഞാറന് മഹാരാഷ്ട്ര, കൊങ്കണ് മേഖലകളിലെല്ലാം മഹായുതി സഖ്യമായ ബി.ജെ.പിയും ഏകനാഥ ഷിന്ഡെ വിഭാഗത്തിന്റെ ശിവസേനയും അജിത് പവാര് വിഭാഗത്തിന്റെ എന്.സി.പിയും ലീഡ് തുടരുകയാണ്.
