വാട്‌സ്ആപ്പിനടക്കം ടാക്‌സ്, ലെബനനിലെ രൂക്ഷമായ സാമ്പത്തിക പ്രതിസന്ധിയില്‍ വന്‍ പ്രതിഷേധവുമായി ജനങ്ങള്‍
ഡൂള്‍ന്യൂസ് ഡെസ്‌ക്
Friday, 18th October 2019, 5:45 pm
ബെയ്‌റൂട്ട്: സാമ്പത്തിക പ്രതിസന്ധി രൂക്ഷമായ ലെബനനില്‍ വന്‍ പ്രതിഷേധവുമായി ജനങ്ങള്‍. പ്രതിസന്ധി മറികടക്കാന്‍ ലെബനനില്‍ പുതുതായി ഇറക്കാനിരുന്ന നികുതി നിയമം പ്രക്ഷോഭത്താല്‍ പിന്‍വലിച്ചു. വാട്‌സ്ആപ്പ് അടക്കമുള്ള ആപ്ലികേഷന്‍ ഉപയോഗിക്കുന്നതിനു നികുതി ഏര്‍പ്പെടുത്താനൊരുങ്ങിയതോടെയാണ് സര്‍ക്കാരിനെതിരെ പ്രക്ഷോഭം ശക്തമായത്. പ്രതിഷേധം ശക്തമായതോടെ ഈ തീരുമാനം പിന്‍വലിക്കുകയുമുണ്ടായി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ലെബനനില്‍ പ്രധാനമന്ത്രി സാദ് അല്‍ ഹരീരിയുടെ സംയുക്ത സര്‍ക്കാരിനെതിരെ ഈ മാസം നടക്കുന്ന രണ്ടാമത്തെ പ്രക്ഷോഭമാണിത്.
ബെയ്‌റൂട്ടിലെ സര്‍ക്കാര്‍ വസതിക്കു മുന്നില്‍ സുരക്ഷാഉദ്യോഗസ്ഥരും പ്രക്ഷോഭകരും തമ്മിലുണ്ടായ ഏറ്റു മുട്ടലില്‍ രണ്ടു പേര്‍ക്കു പരിക്കേറ്റിട്ടുണ്ടെന്ന് ലെബനന്‍ ദേശീയ വാര്‍ത്താ ഏജന്‍സിയായ എന്‍.എന്‍.എ അറിയിച്ചു.
