തിരുവനന്തപുരം: കേരളത്തില് വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. മഴ ശക്തമാകുന്നത് കണക്കിലെടുത്ത് സംസ്ഥാനത്ത് ഇന്ന് നാല് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലാണ് ഓറഞ്ച് അലേര്ട്ട്. ഈ ജില്ലകളില് അതിശക്തമായ മഴയ്ക്കാണ് സാധ്യത.
ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 mm മുതല് 204.4 mm വരെ മഴ ലഭിക്കുമെന്നാണ് അതിശക്തമായ മഴ എന്നതുകൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്. ഇടിമിന്നലോട് കൂടിയ മഴയ്ക്കാണ് സാധ്യത.
യെല്ലോ അലേര്ട്ടുള്ള ജില്ലകള്
27/09/2025: എറണാകുളം, ഇടുക്കി, തൃശൂര്, പാലക്കാട്, മലപ്പുറം
28/09/2025: കോഴിക്കോട്, വയനാട്, കണ്ണൂര്, കാസര്ഗോഡ്
ഈ ജില്ലകളില് ശക്തമായ മഴയ്ക്കാണ് സാധ്യത. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് അര്ത്ഥമാക്കുന്നത്.
കേരള തീരത്ത് ഇന്നും മത്സ്യബന്ധനത്തിന് വിലക്കുണ്ട്. കേരള-കര്ണാടക-ലക്ഷദ്വീപ് തീരങ്ങളില് ഇന്ന് മുതല് 28/09/2025 വരെ മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
28/09/2025 വരെ കേരള-കര്ണാടക-ലക്ഷദ്വീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
നിലവില് ബംഗാളില് ഉള്ക്കടലില് തീവ്രന്യൂനമര്ദം രൂപപ്പെട്ടിട്ടുണ്ട്. ന്യൂനമര്ദം ഇന്ന് ആന്ധ്രാ-ഒഡീഷ തീരം തൊടുമെന്നാണ് കേന്ദ്ര കാലാവസ്ഥ വകുപ്പ് പറയുന്നത്. ഇത് സംസ്ഥാനത്ത് മഴ ശക്തിപ്പെടാന് കാരണമാകുമെന്നും മുന്നറിയിപ്പുണ്ട്.
കേരളത്തില് എല്ലാ ജില്ലകളിലും താലൂക്ക്, ജില്ലാ തലത്തില് 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകളുണ്ട്. അപകട സാധ്യത മുന്നില് കാണുന്ന ഘട്ടത്തിലും സഹായങ്ങള്ക്കുമായി 1077, 1070 എന്നീ ടോള് ഫ്രീ നമ്പറുകളില് ബന്ധപ്പെടാവുന്നതാണ്.
Content Highlight: latest weather updates in kerala today
