ദല്ഹി: കേരളത്തില് വീണ്ടും മഴ ശക്തമാകും. ഇതോടെ വിവിധ ജില്ലകളില് അടുത്ത അഞ്ച് ദിവസത്തേക്ക് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
11/07/2025 & 12/07/2025: എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ്
13/07/2025: തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ്
14/07/2025 & 15/07/2025: എറണാകുളം, തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ്
എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
മഴയ്ക്ക് പുറമെ പ്രളയ സാധ്യത മുന്നറിയിപ്പും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. അപകടകരമായ രീതിയില് ജലനിരപ്പുയരുന്ന സാഹചര്യം മുന്നില് കണ്ട് സംസ്ഥാന ജലസേചന വകുപ്പ് (ഐ.ഡി.ആര്.ബി) കാസറഗോഡ് ഉപ്പള (ഉപ്പള സ്റ്റേഷന്), നീലേശ്വരം (ചായ്യോം നദി സ്റ്റേഷന്) എന്നീ നദികളില് യെല്ലോ അലര്ട്ടുകള് പ്രഖ്യാപിച്ചിരിക്കുന്നു.
ഈ നദികളുടെ തീരത്തുള്ളവര് ജാഗ്രത പാലിക്കാനും യാതൊരു കാരണവശാലും നദികളില് ഇറങ്ങാനോ നദി മുറിച്ചു കടക്കാനോ പാടില്ലെന്നും മുന്നറിയിപ്പില് പറയുന്നു. മാത്രമല്ല തീരത്തോട് ചേര്ന്ന് താമസിക്കുന്നവര് ജാഗ്രത പാലിക്കാനും അധികൃതരുടെ നിര്ദേശാനുസരണം പ്രളയ സാധ്യതയുള്ളയിടങ്ങളില് നിന്ന് മാറി താമസിക്കാന് തയ്യാറാവണമെന്നും മുന്നറിയിപ്പിലുണ്ട്.
Content Highlight: Latest Weather Updates In Kerala
