കോഴിക്കോട്: സംസ്ഥാനത്ത് ഇന്ന് വ്യാപക മഴയ്ക്ക് സാധ്യത. കേരളത്തില് വീണ്ടും മഴ ശക്തിപ്രാപിക്കുമെന്നും അടുത്ത അഞ്ച് ദിവസം മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ്. കാസര്കോട്, കണ്ണൂര് എന്നീ രണ്ട് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു.
വയനാട്, കോഴിക്കോട്, മലപ്പുറം, തൃശൂര്, പാലക്കാട്, എറണാകുളം ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
വടക്ക് കിഴക്കന് രാജസ്ഥാനും വടക്ക് പടിഞ്ഞാറന് മധ്യപ്രദേശിനും മുകളിലായി ശക്തി കൂടിയ ന്യൂനമര്ദം സ്ഥിതി ചെയ്യുന്നുണ്ടെന്നും പശ്ചിമ ബംഗാളിനും ബംഗ്ലാദേശിനും മുകളിലായി മറ്റൊരു ശക്തി കൂടിയ ന്യൂനമര്ദം സ്ഥിതിചെയ്യുന്നുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. ഇത് അടുത്ത 24 മണിക്കൂറിനുള്ളില് തീവ്ര ന്യൂനമര്ദമായി ശക്തി പ്രാപിക്കാന് സാധ്യതയുണ്ട്.
