തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. അതിശക്തമായ മഴ കണക്കിലെടുത്ത് കേരളത്തിലെ മുഴുവന് ജില്ലകളിലും കേന്ദ്ര കാലാവസ്ഥ വകുപ്പ് ജാഗ്രതാ നിര്ദേശം നല്കിയിട്ടുണ്ട്.
ഇന്ന് (ഞായര്) തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് ഓറഞ്ച് അലേര്ട്ടാണ്. ഈ ജില്ലകളില് അതിശക്തമായ മഴയ്ക്കാണ് സാധ്യത. നാളെ (തിങ്കള്) പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര് ജില്ലകളിലും ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.
05/08/2025: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം
06/08/2025: മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ്
07/08/2025: കണ്ണൂര്, കാസര്ഗോഡ്
അതേസമയം തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഇന്ന് യെല്ലോ അലേര്ട്ടും നിലവിലുണ്ട്. ഈ ജില്ലകളില് ശക്തമായ മഴയ്ക്കാണ് സാധ്യത.
വലിയ ഇടവേളക്ക് ശേഷമാണ് സംസ്ഥാനത്തെ തെക്കന് ജില്ലകളില് മഴ ശക്തമാകുന്നത്. എന്നാല് നാളെ തിരുവനന്തപുരം, കൊല്ലം, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലേര്ട്ടുമാണ്.
05/08/2025: തിരുവനന്തപുരം, കൊല്ലം, കോഴിക്കോട്, വയനാട്, കണ്ണൂര്, കാസര്ഗോഡ്
06/08/2025: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്
07/08/2025: മലപ്പുറം, കോഴിക്കോട്, വയനാട്
നിലവില് കേരളത്തിലെ എല്ലാ ജില്ലകളിലും 24 മണിക്കൂറും പ്രവര്ത്തിക്കുന്ന താലൂക്ക്, ജില്ലാ കണ്ട്രോള് റൂമുകള് പ്രവര്ത്തിക്കുന്നുണ്ട്. അടിയന്തര ഘട്ടങ്ങളില് 1077, 1070 എന്നീ ടോള് ഫ്രീ നമ്പറുകളുമായി ബന്ധപ്പെടാവുന്നതാണ്.
കേരള-കര്ണാടക-ലക്ഷദ്വീപ് തീരങ്ങളില് 04/08/2025 മുതല് 07/08/2025 വരെ മത്സ്യബന്ധനത്തിന് പോകാന് പാടില്ലെന്നും കേന്ദ്ര കാലാവസ്ഥ വകുപ്പിന്റെ അറിയിപ്പുണ്ട്. ഈ ദിവസങ്ങളില് കേരള-കര്ണാടക-ലക്ഷദ്വീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് വീശിയേക്കാവുന്ന കാറ്റിനും സാധ്യതയുണ്ട്.
കൂടാതെ കള്ളക്കടല് പ്രതിഭാസത്തിന്റെ ഭാഗമായി തിരുവനന്തപുരം, കൊല്ലം, ആലപ്പുഴ ജില്ലകളിലെ തീരങ്ങളില് ഇന്ന് (03/08/2025) വൈകുന്നേരം 05.30 മുതല് നാളെ (04/08/2025) രാത്രി 08.30 വരെ 1.5 മുതല് 1.8 മീറ്റര് വരെ ഉയര്ന്ന തിരമാലകളുണ്ടാകാനും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
Content Highlight: latest weather updates in kerala
