തിരുവനന്തപുരം: സംസ്ഥാനത്ത് ഇന്ന് പരക്കെ മഴ ലഭിക്കാന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് . അടുത്ത 3 മുതല് 4 ദിവസത്തിനുള്ളില് തെക്കുപടിഞ്ഞാറന് കാലവര്ഷം കേരള തീരത്ത് എത്തുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തല്.
ഇന്ന് (മെയ് 31) ആറ് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കോട്ടയം, എറണാകുളം, ഇടുക്കി, കോഴിക്കോട്, വയനാട്, കണ്ണൂര് എന്നീ ജില്ലകളിലാണ് ഇന്ന് യെല്ലോ അലേര്ട്ട്.
കേരള – ലക്ഷദ്വീപ് തീരങ്ങളില് ജൂണ് 3 വരെ മത്സ്യബന്ധനത്തിന് കര്ശന വിലക്കേര്പ്പെടുത്തിയിട്ടുണ്ട്. എന്നാല് കര്ണാടക തീരത്ത് മത്സ്യബന്ധനത്തിന് തടസമില്ല.
കടലില് മണിക്കൂറില് 35 മുതല് 55 കിലോമീറ്റര് വരെയും, ചില അവസരങ്ങളില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
