ബംഗാള് ഉള്ക്കടലില് ന്യൂനമര്ദം; സംസ്ഥാനത്ത് ഇടിമിന്നലോടുകൂടിയ ശക്തമായ മഴ തുടരും
ഡൂള്ന്യൂസ് ഡെസ്ക്
Monday, 7th April 2025, 4:53 pm
തിരുവനന്തപുരം: തെക്കന് ബംഗാള് ഉള്ക്കടലിന് മുകളില് ന്യുനമര്ദം രൂപപ്പെട്ടതിനെ തുടര്ന്ന് സംസ്ഥാനത്തെ മഴ മുന്നറിയിപ്പില് മാറ്റം.
ഏപ്രില് എട്ട് വരെ വടക്കു പടിഞ്ഞാറ് ദിശയില് തെക്ക് പടിഞ്ഞാറന് ബംഗാള് ഉള്ക്കടലിനു മുകളിലൂടെ സഞ്ചരിക്കുന്ന ന്യുനമര്ദം തുടര്ന്നുള്ള 48 മണിക്കൂറില് വടക്കു ദിശയില് സഞ്ചരിക്കാന് സാധ്യതണ്ടെന്നും, കേരളത്തില് ഇന്നും നാളേയും ഒറ്റപ്പെട്ട സ്ഥലങ്ങളില് ശക്തമായ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
