വിജയ് ഹസാരെയില് കേരളവും രാജസ്ഥാനും തമ്മിലുള്ള പോരാട്ടം നടന്നുകൊണ്ടിരിക്കുകയാണ്. മത്സരത്തില് രാജസ്ഥാന് നിലവില് രണ്ട് വിക്കറ്റിന് 116 റണ്സെടുത്തിട്ടുണ്ട്. 49 പന്തില് 32 റണ്സെടുത്ത കരണ് ലാംബയും 32 പന്തില് 28 റണ്സെടുത്ത ദീപക് ഹൂഡയുമാണ് ക്രീസിലുള്ളത്.
മത്സരത്തില് ടോസ് നേടിയ രാജസ്ഥാന് ബാറ്റിങ് തെരഞ്ഞെടുക്കുകയായിരുന്നു. ബാറ്റിങ്ങിന് എത്തിയ ആദിത്യ റാത്തോറും റാം ചൗഹാനും ഭേദപ്പെട്ട തുടക്കം നല്കി. എന്നാല്, ഈ കൂട്ടുകെട്ടിനെ നിലയുറക്കാന് കേരളം സമ്മതിച്ചില്ല. അതോടെ ഈ ജോഡി 29 റണ്സില് പിരിഞ്ഞു.
Rajasthan Won the Toss & elected to bat #KERvRAJ #VijayHazare #Elite
— BCCI Domestic (@BCCIdomestic) December 31, 2025
യുവതാരം ഈഡന് ആപ്പിള് ടോമാണ് കേരളത്തിനായി ആദ്യ ബ്രേക്ക് ത്രൂ നല്കിയത്. താരം 14 പന്തില് 25 റണ്സെടുത്ത റാത്തോറിനെ പുറത്താക്കുകയായിരുന്നു. നാലാം ഓവറിലെ അഞ്ചാം പന്തില് ബാബ അപരാജിത്തിന് ക്യാച്ച് നല്കിയായിരുന്നു താരത്തിന്റെ മടക്കം.
പിന്നാലെ കാരന് ലാംബ ബാറ്റിങ് എത്തി. ലംബയും ചൗഹാനും ഒരുമിച്ചു. ഇരുവരും 18 റണ്സ് ചേര്ത്ത് പിരിഞ്ഞു. ചൗഹാന് മടങ്ങിയതോടെയാണ് ഈ സഖ്യം പിരിഞ്ഞത്. 19 പന്തില് 15 റണ്സായിരുന്നു താരത്തിന്റെ സമ്പാദ്യം. ഈ വിക്കറ്റ് വീഴ്ത്തിയത് അങ്കിത് ശര്മയാണ്.
End Of Over 15 – Rajasthan 80/2 Karan Lamba 22(40) Deepak Jagbir Hooda 7(17) #KERvRAJ #VijayHazare #Elite
— BCCI Domestic (@BCCIdomestic) December 31, 2025
രണ്ടാം വിക്കറ്റ് വീണതോടെയാണ് ലംബയും ദീപക് ഹൂഡയും ഒത്തുചേര്ന്നത്. ഇരുവരും നിലവില് 69 റണ്സ് ചേര്ത്തിട്ടുണ്ട്.
കേരളത്തിനായി അങ്കിത് ശര്മയും ഈഡന് ആപ്പിള് ടോമും ഓരോ വിക്കറ്റ് വീഴ്ത്തി.
അതേസമയം, വിജയ് ഹസാരെയിലെ തങ്ങളുടെ രണ്ടാം വിജയം ലക്ഷ്യമിട്ടാണ് കേരളം രാജസ്ഥാന് എതിരെ കളിക്കുന്നത്. ടൂര്ണമെന്റില് ആദ്യ മത്സരത്തില് വിജയിച്ച കേരളത്തിന് പിന്നീട് നടന്ന രണ്ട് മത്സരത്തിലും ജയിക്കാന് സാധിച്ചിരുന്നില്ല. അതിനാല് തന്നെ ഈ മത്സരത്തില് വിജയിച്ച് ഒരു തിരിച്ചുവരവാണ് മുഹമ്മദ് അസറുദീന്റെയും സംഘത്തിന്റെയും ലക്ഷ്യം.
Content Highlight: Kerala Cricket Team have good start against Rajasthan in Vijay Hazare Trophy
