കേരളത്തിനെതിരെ രഞ്ജി ട്രോഫിയില് പഞ്ചാബിന് മികച്ച തുടക്കം. പഞ്ചാബ് പി.സി.എ ന്യൂ ക്രിക്കറ്റ് സ്റ്റേഡിയത്തില് നടക്കുന്ന മത്സരത്തില് ടോസ് നേടിയ ആതിഥേയര് ബാറ്റിങ് തുടരുകയാണ്. ഉച്ചഭക്ഷണത്തിന് പിരിയുമ്പോള് 25 ഓവറുകള് പിന്നിടുമ്പോള് ആതിഥേയര് ഒരു വിക്കറ്റിന് 107 റണ്സ് എടുത്തിട്ടുണ്ട്.
Lunch break: Punjab – 107/1 in 35.6 overs (Harnoor Singh 53 off 115, Uday Saharan 24 off 54) #PUNvKER#RanjiTrophy#Elite
സൂപ്പര് താരം സഞ്ജുവില്ലാതെയാണ് കേരള പഞ്ചാബിനെതിരെ ഇറങ്ങിയിരിക്കുന്നത്. ഓസ്ട്രേലിയക്കെതിരായ ടി – 20 പരമ്പരയില് പങ്കെടുക്കാന് ഇന്ത്യന് ടീമിനൊപ്പം ചേര്ന്നതിനാലാണ് സഞ്ജു പഞ്ചാബിനെതിരെ കളിക്കാത്തത്. താരത്തിന് പകരം അഹമ്മദ് ഇമ്രാന് ടീമിലെത്തി. ഒപ്പം ഈഡന് ആപ്പിള് ടോമിന് പകരം വത്സല് ഗോവിന്ദും ടീമില് ഇടം പിടിച്ചു.
രഞ്ജി ട്രോഫിയില് രണ്ടാം മത്സരത്തില് ഇറങ്ങിയ ഇരു ടീമുകളും വിജയം ലക്ഷ്യമിട്ടാണ് കളിക്കുന്നത്. ആദ്യ മത്സരത്തില് കേരളവും പഞ്ചാബും ഒന്നാം ഇന്നിങ്സില് ലീഡ് വഴങ്ങി സമനിലയിലാണ് പിരിഞ്ഞത്. ടൂര്ണമെന്റിലെ ആദ്യ മത്സരത്തില് കേരളത്തിന് മഹാരാഷ്ട്രയും പഞ്ചാബിന് മധ്യപ്രദേശുമായിരുന്നു എതിരാളികള്.
കേരള പ്ലെയിങ് ഇലവന്
മുഹമ്മദ് അസറുദ്ദീന് (ക്യാപ്റ്റന്, വിക്കറ്റ് കീപ്പര്), രോഹന് കുന്നുമ്മല്, വത്സല് ഗോവിന്ദ്, സച്ചിന് ബേബി, ബാബ അപരാജിത്, സല്മാന് നിസാര്, അങ്കിത് ശര്മ, എം.ഡി. നിതീഷ്, എന്. ബേസില്, അക്ഷയ് ചന്ദ്രന്, അഹമ്മദ് ഇമ്രാന്
