ജിയോ ബേബി സംവിധാനം ചെയ്ത ഏഴാമത്തെ ചിത്രമാണ് ‘കാതല് ദി കോര്’. ‘റോഷാക്’, ‘നന്പകല് നേരത്ത് മയക്കം’, ‘കണ്ണൂര് സ്ക്വാഡ്’ എന്നീ സിനിമകള്ക്ക് ശേഷം മമ്മൂട്ടി കമ്പനി നിര്മിക്കുന്ന ചിത്രമാണ് ഇത്.
ചിത്രത്തില് മാത്യു ദേവസി എന്ന കഥാപാത്രമായാണ് മമ്മൂട്ടി എത്തുന്നത്. ഓമനയെന്ന കഥാപാത്രമായി ജ്യോതിക മലയാളത്തിലേക്ക് തിരിച്ചെത്തുന്ന ചിത്രം കൂടിയാണ് കാതല്.
ഇപ്പോള് തനിക്ക് ആഗ്രഹമുള്ള സിനിമകളെ പറ്റി സംസാരിക്കുകയാണ് ജിയോ ബേബി. മൂവി വേള്ഡ് മീഡിയക്ക് നല്കിയ അഭിമുഖത്തില് സംസാരിക്കുകയായിരുന്നു അദ്ദേഹം.
ഒരു സ്ക്രീന്പ്ലേയുണ്ടാക്കണം, ഭയങ്കര കോമഡി ആയിട്ടുള്ള സിനിമ ഉണ്ടാക്കണം. ഇന്ത്യയില് ഏത് നടനോട് പോയി പറഞ്ഞാലും ചെയ്യാന് പറ്റുന്ന സിനിമ ഉണ്ടാക്കാനാണ് ആഗ്രഹിക്കുന്നത്.
മോഹന്ലാല് റിജക്റ്റ് ചെയ്താല് മമ്മൂട്ടി. മമ്മൂട്ടി റിജക്റ്റ് ചെയ്താല് കമല് ഹാസന്. അദ്ദേഹവും റിജക്റ്റ് ചെയ്താല് രജനികാന്ത്.
അങ്ങനെയുള്ള സിനിമകളാണ് ചെയ്യാന് പോകുന്നതെന്നല്ല. അത്തരം സിനിമകളെ പറ്റിയാണ് സംസാരിക്കുന്നത്. അത്തരം സിനിമയുണ്ടാക്കണം. ഇന്ത്യയില് ആര്ക്കും മനസിലാകുന്ന സിനിമയാകണം.
കണ്ടാല് ചിരിക്കാന് പറ്റണം, അതേസമയം ത്രില് ഉണ്ടാകണം. പരസ്പരം സംസാരിക്കുന്നത് ഇങ്ങനെയാണ്, എന്നാല് എഴുതിയുണ്ടാക്കാന് പ്രയാസമാണ്. പണിയുള്ള കാര്യമാണ്, സിമ്പിളല്ല.
സിനിമ എന്നുള്ള രീതിയില് സിനിമയെ ഞാന് അങ്ങനെ തന്നെയാണ് കാണുന്നത്. അല്ലാതെ എല്ലാ സിനിമകളേയും പോയി പൊളിറ്റിക്കലായി സമീപിക്കാറില്ല. എല്ലാ സിനിമയിലും പൊളിറ്റിക്സുണ്ട്.
അല്ലാതെ നമ്മളായിട്ട് പോയിട്ട് പൊളിറ്റിക്കലാവണ്ട എന്നാണ് എന്റെ തീരുമാനം. പക്ഷെ അത് പലപ്പോഴും പറ്റുന്നില്ല. നമ്മള് സിനിമ എടുക്കുമ്പോള് മറ്റൊരു രീതിയില് ആയിപോകുകയാണ്,’ ജിയോ ബേബി പറയുന്നു.
Content Highlight: Jeo Baby Talks About His Movies
