രഞ്ജി ട്രോഫിയില് ചരിത്രത്തില് ആദ്യമായി സെമി ഫൈനലില് പ്രവേശിച്ച് ജമ്മു കാശ്മീര്. ക്വാര്ട്ടര് ഫൈനലില് മധ്യപ്രദേശിനെ 56 റണ്സിന് തകര്ത്താണ് ടീം കന്നി സെമി ഫൈനല് പ്രവേശം നേടിയത്.
🚨 JAMMU & KASHMIR QUALIFIED INTO THE SEMI-FINAL OF RANJI TROPHY 2026 🚨
– 7 wickets in first Innings.
– 5 wickets in second Innings.
Auqib Nabi is the star, he deserves to play for India A team in the next series 🇮🇳 pic.twitter.com/ZLJQxnsXR4
മത്സരത്തില് ജമ്മു 291 റണ്സിന്റെ വിജയലക്ഷ്യം ഉയര്ത്തിയിരുന്നു. ഇത് പിന്തുടര്ന്ന മധ്യപ്രദേശിന് 234 റണ്സ് മാത്രമാണ് എടുക്കാന് സാധിച്ചത്. ചെറുത്തുനില്പിന് ശ്രമിച്ചെങ്കിലും ജമ്മു കശ്മീരിന്റെ ബൗളിങ് കരുത്തിന് മുന്നില് മധ്യപ്രദേശ് അടിയറവ് പറയുകയായിരുന്നു.
മത്സരത്തില് 12 വിക്കറ്റുകള് വീഴ്ത്തിയ ദല്ഹി ക്യാപിറ്റല്സിന്റെ ബൗളറായ അക്വിബ് നബിയാണ് ടീമിന്റെ വിജയത്തില് ചുക്കാന് പിടിച്ചത്. താരം രണ്ടാം ഇന്നിങ്സില് ഏഴ് വിക്കറ്റുകളും നാലാം ഇന്നിങ്സില് അഞ്ച് വിക്കറ്റുകളും തന്റെ അക്കൗണ്ടിലെത്തിച്ചാണ് ടീമിന് വിജയമൊരുക്കിയത്.
അക്വിബ് നബി. Photo: CricXtasy/x.com
നാലാം ഇന്നിങ്സില് മധ്യപ്രദേശിനായി സരാന്ഷ് ജെയ്ന് അര്ധ സെഞ്ച്വറി സ്വന്തമാക്കി. 81 പന്തില് ഒരു സിക്സും ഏഴ് ഫോറുമടക്കം 64 റണ്സാണ് താരം നേടിയത്. ഒപ്പം ശുഭം ശര്മ (75 പന്തില് 32), ഹിമാന്ഷു മാന്ത്രി (50 പന്തില് 31), ആര്യന് പാണ്ഡെ (46 പന്തില് 22) എന്നിവരും തിളങ്ങി.
End Of Over 60 – Madhya Pradesh 206/8, Need 85 Run(s) to Win, Aryan Pandey 12(18) Saransh Jain 60(75) #MPvJK#RanjiTrophy#Elite#QF2
എന്നാല് അക്വിബിനൊപ്പം മാറ്റ് ബൗളര്മാരും വിക്കറ്റ് വേട്ട നടത്തിയതോടെ മധ്യപ്രദേശ് തോല്വി വഴങ്ങി. ആബിദ് മുഷ്താഖ് മൂന്ന് വിക്കറ്റും സുനില് കുമാര്, യുദ്ധവീര് സിങ് എന്നിവരും ഓരോ വിക്കറ്റുകളും നേടിയതോടെ ടീം സെമി ഫൈനലില് എത്തുകയായിരുന്നു.
രണ്ടാം ഇന്നിങ്സില് അക്വിബിന്റെ കരുത്തില് മദ്യപ്രദേശിന് ജമ്മു 152 റണ്സില് ഒതുക്കിയിരുന്നു. 123 പന്തില് 58 റണ്സെടുത്ത യാഷ് ദുബെ മാത്രമാണ് തിളങ്ങിയത്. അക്വിബിന് പുറമെ ജമ്മുവിനായി സുനില് മൂന്ന് വിക്കറ്റുകള് വീഴ്ത്തി.
Content Highlight: Jammu and Kashmir qualified for semi final in Ranji Trophy with Aquib Nabi’s 12 wicket haul
