വെസ്റ്റ് ബാങ്കിലെ വലിയ പ്രദേശങ്ങള് ദേശീയ സ്വത്തായി രജിസ്റ്റര് ചെയ്യാനുള്ള നീക്കത്തിന് ഇസ്രഈല് സര്ക്കാര് അംഗീകാരം നല്കിയതായുള്ള റിപ്പോര്ട്ടുകള് ഞായറാഴ്ചയാണ് പുറത്തുവന്നത്.
ഇസ്രഈല് ധനമന്ത്രി ബെസലേല് സ്മോട്രിച്ച്, നീതിന്യായ മന്ത്രി യാരിവ് ലെവിന്, പ്രതിരോധമന്ത്രി ഇസ്രഈല് കാറ്റ്സ് എന്നിവര് സമര്പ്പിച്ച നിര്ദേശത്തിനാണ് സര്ക്കാര് അനുമതി നല്കിയതെന്ന് പബ്ലിക് ബ്രോഡ്കാസ്റ്റര് കെ.എ.എന് ഞായറാഴ്ച റിപ്പോര്ട്ട് ചെയ്തു.
1967ന് ശേഷം ആദ്യമായാണ് ഫലസ്തീന് പ്രദേശങ്ങള് ഇസ്രഈല് രജിസ്റ്റര് ചെയ്യുന്നത്. അനധികൃതമായി ഭൂമി പിടിച്ചെടുക്കുന്ന ഈ നടപടിയിലൂടെ വെസ്റ്റ് ബാങ്കിലെ ഭൂമിയില് സ്ഥിരമായ ഉടമസ്ഥാവകാശം ഇസ്രഈലിന് ലഭിക്കും.
ഇസ്രഈല് ഒപ്പുവെച്ച പല അന്താരാഷ്ട്ര കരാറുകളെ അസാധുവാക്കുന്ന നടപടിയും ഐക്യരാഷ്ട്രസഭയുടെ സുരക്ഷാ കൗണ്സിലിന്റെ പ്രമേയങ്ങള്ക്ക് വിരുദ്ധവുമാണെന്ന് ഫലസ്തീന് പ്രസിഡന്സി പ്രതികരിച്ചതായി വഫ വാര്ത്താ ഏജന്സി റിപ്പോര്ട്ട് ചെയ്തു.
Content Highlight: Hamas opposes Israel’s registration move, says it is an attempt to steal West Bank land
