അഫ്ഗാനിസ്ഥാനും ഇന്ത്യയും തമ്മിലുള്ള രണ്ടാം ഏകദിന മത്സരം എകാന ക്രിക്കറ്റ് സ്റ്റേഡിയത്തില് നടക്കുകയാണ്. മത്സരത്തില് ടോസ് നേടിയ അഫ്ഗാനിസ്താന് ബൗള് ചെയ്യാന് തീരുമാനിക്കുകയായിരുന്നു. നിലവില് ആദ്യം ബാറ്റിങ്ങിനിറങ്ങിയ ഇന്ത്യ 35 ഓവര് പൂര്ത്തിയായപ്പോള് രണ്ട് വിക്കറ്റ് നഷ്ടത്തില് 294 റണ്സാണ് ഇന്ത്യ സ്വന്തമാക്കിയത്.
ഇന്ത്യയ്ക്ക് വേണ്ടി തകര്പ്പന് പ്രകടനവുമായി ക്രീസില് തുടരുന്നത് ശുഭ്മന് ഗില്ലും ഇഷാന് കിഷനുമാണ്. ഇരുവരും സെഞ്ച്വറി നേടിയാണ് അഫ്ഗാനിസ്ഥാനെതിരെ കിടിലന് പ്രകടനം പുറത്തെടുത്തത്. ക്യാപ്റ്റന് ഗില് 88 പന്തില് 122* റണ്സും ഇഷാന് കിഷന് 75 പന്തില് 112* റണ്സുമാണ് നേടിയത്.
21ാം അന്താരാഷ്ട്ര സെഞ്ച്വറിയാണ് ഗില് സ്വന്തമാക്കിയത്. ഇതോടെ ഇന്ത്യയ്ക്ക് വേണ്ടി ഏറ്റവും കൂടുതല് അന്താരാഷ്ട്ര സെഞ്ച്വറി നേടുന്ന താരങ്ങളുടെ പട്ടികയില് ഇന്ത്യന് മുഖ്യ പരിശീലകന് ഗൗതം ഗംഭീറിനെ മറികടക്കാനും ഗില്ലിന് സാധിച്ചു. 20 സെഞ്ച്വറിയാണ് ഗംഭീറിന്റെ പക്കല്. ഈ നേട്ടത്തില് സച്ചിനാണ് ഏറ്റവും മുന്നിലുള്ളത്. 100 സെഞ്ച്വറിയാണ് താരത്തിനുള്ളത്. ലിസ്റ്റില് 11ാമനാണ് ഗില്.
