ഐ.പി.എല്ലില് ചെന്നൈ സൂപ്പര് കിങ്സും സണ്റൈസേഴ്സ് ഹൈദരാബാദും തമ്മിലുള്ള മത്സരം ചെപ്പോക്ക് സ്റ്റേഡിയത്തില് നടക്കുകയാണ്. നിലവില് ഓവറുകള് 12 പിന്നിടുമ്പോള് ചെന്നൈ നാല് വിക്കറ്റ് നഷ്ടത്തില് 100 റണ്സെടുത്തിട്ടുണ്ട്. 13 പന്തിൽ 11 റൺസ് നേടിയ ഡെവാൾഡ് ബ്രെവിസും അഞ്ച് പന്തിൽ രണ്ട് റൺസെടുത്ത ശിവം ദുബെയുമാണ് ക്രീസിലുള്ളത്.
ചെന്നൈയ്ക്ക് ആദ്യം നഷ്ടമായത് മലയാളി താരം സഞ്ജു സാംസണിന്റെ വിക്കറ്റാണ്. 13 പന്തുകള് നേരിട്ട വിക്കറ്റ് കീപ്പര് 27 റണ്സെടുത്താണ് കൂടാരം കയറിയത്. ഒരു സിക്സറും അഞ്ച് ഫോറുകളും അടങ്ങുന്നതായിരുന്നു താരത്തിന്റെ ഇന്നിങ്സ്. 207.69 സ്ട്രൈക്ക് റേറ്റും 31കാരനുണ്ടായിരുന്നു.
സഞ്ജു സാംസൺ. Photo: IndianPremierLeague/x.com
സഞ്ജുവിന് വലിയ ഇന്നിങ്സ് പുറത്തെടുക്കാൻ സാധിച്ചില്ലെങ്കിലും ഒരു സൂപ്പര് നേട്ടം സ്വന്തമാക്കാന് നേടിയെടുത്തു. ഐ.പി.എല്ലില് സണ്റൈസേഴ്സ് ഹൈദരാബാദിനെതിരെ ഏറ്റവും കൂടുതല് റണ്സ് നേടുന്ന താരമെന്ന നേട്ടമാണ് വിക്കറ്റ് കീപ്പര് സ്വന്തമാക്കിയത്. താരത്തിന് നിലവില് എസ്. ആര്. എച്ചിനെതിരെ 901 റണ്സുണ്ട്.