— Royal Challengers Bengaluru (@RCBTweets) April 24, 2025
സ്വന്തം തട്ടകത്തില് മികച്ച ടോട്ടല് പടുത്തുയര്ത്തിയതോടെ ഒരു മികച്ച നേട്ടവും റോയല് ചലഞ്ചേഴ്സിന്റെ പേരില് കുറിക്കപ്പെട്ടു. ടി-20 ഫോര്മാറ്റില് ഏറ്റവുമധികം തവണ 200+ ടോട്ടല് സ്വന്തമാക്കുന്ന ടീമുകളുടെ പട്ടികയില് മൂന്നാം സ്ഥാനത്തേക്കുയര്ന്നാണ് റോയല് ചലഞ്ചേഴ്സ് റെക്കോഡിട്ടത്.
ഇത് 35ാം തവണയാണ് റോയല് ചലഞ്ചേഴ്സ് ബെംഗളൂരു ടി-20യില് 200+ സ്കോര് സ്വന്തമാക്കുന്നത്.
ടി-20യില് ഏറ്റവുമധികം തവണ 200+ റണ്സ് സ്വന്തമാക്കുന്ന ടീമുകള്
(ടീം – എത്ര തവണ 200+ ടോട്ടല് സ്വന്തമാക്കി എന്നീ ക്രമത്തില്)
ഇന്ത്യ – 42
ചെന്നൈ സൂപ്പര് കിങ്സ് – 36
സോമര്സെറ്റ് – 36
റോയല് ചലഞ്ചേഴ്സ് ബെംഗളൂരു – 35*
മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ റോയല് ചലഞ്ചേഴ്സിന് മികച്ച തുടക്കമാണ് ലഭിച്ചത്. ആദ്യ വിക്കറ്റില് അര്ധ സെഞ്ച്വറി കൂട്ടുകെട്ടുമായി ഓപ്പണര്മാര് ഇന്നിങ്സിന് അടിത്തറയിട്ടു.
ടീം സ്കോര് 61ല് നില്ക്കവെ ഫില് സാള്ട്ടിനെ മടക്കി വാനിന്ദു ഹസരങ്കയാണ് കൂട്ടുകെട്ട് പൊളിച്ചത്. ഷിംറോണ് ഹെറ്റ്മെയറിന്റെ കയ്യിലൊതുങ്ങും മുമ്പ് 26 റണ്സാണ് താരം അടിച്ചെടുത്തത്.
വണ് ഡൗണായെത്തിയ ദേവ്ദത്ത് പടിക്കലിനെ ഒപ്പം കൂട്ടി വിരാട് വീണ്ടും സ്കോര് ബോര്ഡ് ചലിപ്പിക്കാനാരംഭിച്ചു. രണ്ടാം വിക്കറ്റില് 95 റണ്സാണ് ഇരുവരും ചേര്ന്ന് ടോട്ടലിലേക്ക് സംഭാവന ചെയ്തത്.
— Royal Challengers Bengaluru (@RCBTweets) April 24, 2025
അധികം വൈകാതെ ദേവ്ദത്ത് പടിക്കലിന്റെ വിക്കറ്റും ബെംഗളൂരുവിന് നഷ്ടമായി. 27 പന്തില് 50 റണ്സാണ് താരം സ്വന്തമാക്കിയത്. ഐ.പി.എല്ലില് തന്റെ വേഗതയേറിയ അര്ധ സെഞ്ച്വറി പൂര്ത്തിയാക്കിയതിന് പിന്നാലെയാണ് പടിക്കല് മടങ്ങിയത്.
