വണ് ഡൗണായി വെടിക്കെട്ട് വീരന് നിക്കോളാസ് പൂരനാണ് ക്രീസിലെത്തിയത്. ആദ്യ മിനിട്ട് മുതല്ക്കുതന്നെ എതിരാളികള്ക്ക് മേല് കാട്ടുതീയായ്പ്പടര്ന്ന് പൂരന് സ്കോര് ബോര്ഡിന് വേഗം നല്കി. ഒരു വശത്ത് നിന്ന് മാര്ഷ് തകര്ത്തടിക്കുമ്പോള് മറുവശത്ത് പൂരന്റെ താണ്ഡവത്തിനാണ് ആരാധകര് സാക്ഷ്യം വഹിച്ചത്.
രണ്ടാം വിക്കറ്റില് 87 റണ്സിന്റെ കൂട്ടുകെട്ടാണ് ഇരുവരും പടുത്തുയര്ത്തിയത്. ടീം സ്കോര് 132ല് നില്ക്കവെ മാര്ഷിനെ ടീമിന് നഷ്ടമായി. 36 പന്തില് 200.00 സ്ട്രൈക്ക് റേറ്റില് 72 റണ്സാണ് താരം സ്വന്തമാക്കിയത്.
𝙈𝙖𝙧𝙫𝙚𝙡𝙤𝙪𝙨 𝙈𝙖𝙧𝙨𝙝 💪
He gets to a breezy half-century and is in no mood to stop tonight 🎐
മാര്ഷ് പുറത്തായെങ്കിലും പൂരന് തന്റെ പതിവ് ശൈലിയില് ബാറ്റിങ് തുടര്ന്നു. ക്രീസിലെത്തി വെടിക്കെട്ട് നടത്തിയതിന് പിന്നാലെ നിക്കോളാസ് പൂരനെ ഒരു തകര്പ്പന് റെക്കോഡും തേടിയെത്തിയിരുന്നു. ടി-20 ഫോര്മാറ്റില് 600 സിക്സര് പൂര്ത്തിയാക്കുന്ന താരമെന്ന നേട്ടമാണ് പൂരന് സ്വന്തമാക്കിയത്.
ദല്ഹിക്കെതിരെ കളത്തിലിറങ്ങും മുമ്പ് 599 സിക്സറുകളാണ് താരത്തിന്റെ പേരിലുണ്ടായിരുന്നത്. ഈ മത്സരത്തില് ആദ്യ സിക്സര് നേടിയതിന് പിന്നാലെ 600 സിക്സര് നേടിയ താരങ്ങളുടെ എലീറ്റ് ലിസ്റ്റിലും പൂരന് ഇടം നേടി.
