![?php echo $post['title']; ?>](https://assets.doolnews.com/w/900x473/2026/07/ind-1.jpg)
ഇംഗ്ലണ്ട് വനിതകള്‍ക്കെതിരായ ഏക ടെസ്റ്റ് മത്സരത്തില്‍ പടുകൂറ്റന്‍ വിജയവുമായി ഇന്ത്യ. ക്രിക്കറ്റിന്റെ മക്കയായ ലോര്‍ഡ്‌സില്‍ നടന്ന മത്സരത്തില്‍ 270 റണ്‍സിന്റെ വമ്പന്‍ വിജയമാണ് ഇന്ത്യന്‍ വനിതകള്‍ സ്വന്തമാക്കിയത്. ഇതോടെ ലോര്‍ഡ്‌സില്‍ കളിക്കുന്ന ആദ്യ ടെസ്റ്റ് മത്സരത്തില്‍ വിജയം സ്വന്തമാക്കി ചരിത്രം സൃഷ്ടിച്ചിരിക്കുകയാണ് ക്യാപ്റ്റന്‍ ഹര്‍മന്‍ പ്രീത് കൗറും സംഘവും.
സ്‌കോര്‍
ഇന്ത്യ – 285 & 341/7 d
ഇംഗ്ലണ്ട് – 170 & 186 (T: 457)
ഇന്ത്യയ്ക്ക് വേണ്ടി ആദ്യ ഇന്നിങ്‌സില്‍ മിന്നും പ്രകടനം നടത്തിയത് ഓപ്പണര്‍ സ്മൃതി മന്ഥാനയാണ്. 108 പന്തില്‍ നിന്ന് 83 റണ്‍സാണ് താരം അടിച്ചുകൂട്ടിയത്. മധ്യ നിരയില്‍ ക്യാപ്റ്റന്‍ ഹര്‍മന്‍പ്രീത് കൗറും (58), ദീപ്തി ശര്‍മയും (57) മികച്ച ചെറുത്തുനില്‍പ്പാണ് നടത്തിയത്. ഇംഗ്ലണ്ടിന് വേണ്ടി ബൗളിങ്ങില്‍ മൂന്ന് വിക്കറ്റ് നേടിയ സോഫി എക്കല്‍സ്റ്റോണ്‍ മികവ് പുലര്‍ത്തിയപ്പോള്‍ ലോറന്‍ ഫൈലകര്‍, ഇസ്സി വോങ്, മാഡി വില്ലിയര്‍ എന്നിവര്‍ രണ്ട് വിക്കറ്റും നേടി. ലോറന്‍ ബെല്‍ ഒരു വിക്കറ്റും സ്വന്തമാക്കി.
Congratulations to Team India for winning against England @BCCI https://t.co/I1n7rnTFKO
— Rajeev Shukla (@ShuklaRajiv) July 13, 2026
ഒന്നാം ഇന്നിങ്‌സില്‍ തുടര്‍ ബാറ്റിങ്ങിനിറങ്ങിയ ഇംഗ്ലണ്ടിനായി വിക്കറ്റ് കീപ്പര്‍ ബാറ്റര്‍ എമി ജോണ്‍സ് 52 റണ്‍സ് നേടി ഉയര്‍ന്ന സ്‌കോര്‍ നേടി. ക്യാപ്റ്റന്‍ നാറ്റ് സൈവര്‍ ബ്രണ്ട് 44 റണ്‍സും നേടി. മറ്റാര്‍ക്കും ടീമിന് വേണ്ടി ക്യാര്യമായ സംഭവാന നല്‍കാന്‍ സാധിച്ചില്ല. ക്രാന്തി ഗൗണ്ടിന്റെ തകര്‍പ്പന്‍ ഫൈഫറില്‍ തകര്‍ന്നടിയുകയായിരുന്നു ഇംഗ്ലണ്ട്. സയാലി സത്ഗരെ, സ്‌നേഹ് റാണ എന്നിവര്‍ രണ്ട് വിക്കറ്റ് വീതം നേടി. ദീപ്തി ശര്‍മ ഒരു വിക്കറ്റും നേടി.
രണ്ടാം ഇന്നിങ്‌സില്‍ വണ്‍ഡൗണ്‍ ബാറ്റര്‍ യാസ്തിക ബാട്ടിയയുടെ സെഞ്ച്വറിയിലാണ് ഇന്ത്യ വലിയ സ്‌കോറിലെത്തിയത്. 158 പന്തില്‍ 113 റണ്‍സ് നേടിയാണ് ബാട്ടിയ അടിച്ചെടുത്തത്. 14 ഫോറുകള്‍ അടക്കമാണ് താരം സെഞ്ച്വറിയടിച്ചത്. മന്ഥാന 70 റണ്‍സും റിച്ചാ ഘോഷ് 50* റണ്‍സും നേടി. ശേഷം മികച്ച ലീഡ് നേടിയതോടെ ഡിക്ലയര്‍ ചെയ്യുകയായിരുന്നു ഇന്ത്യ. ഇംഗ്ലണ്ടിനായി സോഫി എക്കല്‍ സ്റ്റോണ്‍ അഞ്ച് വിക്കറ്റ് നേടിയപ്പോള്‍ ലോറന്‍ ബെല്‍ രണ്ട് വിക്കറ്റും നേടി.
CLEANED UP \|/
Deepti Sharma with a peach of a delivery and #TeamIndia are 2️⃣ wickets away from victory 👌
Updates ▶️ https://t.co/O1rEau8j8n #ENGvIND | @Deepti_Sharma06 pic.twitter.com/5bLWtb2639
— BCCI Women (@BCCIWomen) July 13, 2026
നിര്‍ണായകമായ രണ്ടാം ഇന്നിങ്‌സില്‍ എമി ജോണ്‍സിന്റെയും സോഫിയുടെയും അര്‍ധ സെഞ്ച്വറി മാത്രമാണ് ഇംഗ്ലണ്ടിന് ഉണ്ടായിരുന്നത്. മറ്റാര്‍ക്കും ഇംഗ്ലണ്ടിന് വേണ്ടി സ്‌കോര്‍ ഉയര്‍ത്താനായില്ല. ഇന്ത്യയ്ക്ക് വേണ്ടി സ്‌നേഹ് റാണയാണ് ബൗളിങ്ങില്‍ മിന്നും പ്രകടനം നടത്തിയത്.
നാല് ഓവറില്‍ 42 റണ്‍സ് വഴങ്ങി നാല് വിക്കറ്റാണ് താരം സ്വന്തമാക്കിയത്. സയാലി സത്ഗരെ, ക്രാന്തി ഗൗഡ്, ദീപ്തി ശര്‍മ എന്നിവര്‍ രണ്ട് വീതം വിക്കറ്റുകള്‍ കൊയ്തു. ഇതോടെ ഇന്ത്യ ലോര്‍ഡ്‌സില്‍ നടന്ന തങ്ങളുടെ ആദ്യ മത്സരത്തില്‍ തന്നെ ചരിത്ര വിജയവും ഇംഗ്ലണ്ടിനെതിരെ സ്വന്തമാക്കി.
Content Highlight: India women achieve historic victory at Lord’s in England
