2025 ഏഷ്യാ കപ്പിനുള്ള ഇന്ത്യന് സ്ക്വാഡ് പ്രഖ്യാപിച്ചിരിക്കുകയാണ്. സൂര്യകുമാര് യാദവിനെ നായകനാക്കിയും ശുഭ്മന് ഗില്ലിനെ വെസ് ക്യാപ്റ്റനാക്കിയും പ്രഖ്യാപിച്ചാണ് ഇന്ത്യ ഏഷ്യ കീഴടക്കാന് ഒരുങ്ങുന്നത്.
ഇന്ത്യന് ടെസ്റ്റ് ടീം നായകന് ശുഭ്മന് ഗില്ലാണ് സൂര്യയുടെ ഡെപ്യൂട്ടി. വിക്കറ്റ് കീപ്പര് ബാറ്ററായി സഞ്ജു സാംസണ് ടീമിനൊപ്പം ഇടം പിടിച്ചിട്ടുണ്ട്. ബാക്ക് അപ്പ് വിക്കറ്റ് കീപ്പറായി ജിതേഷ് ശര്മയാണ് ടീമിനൊപ്പമുള്ളത്.
ഹര്ദിക് പാണ്ഡ്യ, അക്സര് പട്ടേല് എന്നിങ്ങനെ സൂപ്പര് ഓള് റൗണ്ടര്മാരും റിങ്കു സിങ്, ശിവം ദുബെ തുടങ്ങിയ ഹാര്ഡ് ഹിറ്റര്മാരും സ്ക്വാഡില് ഇടം നേടിയിട്ടുണ്ട്.
സ്പിന് ഓപ്ഷനുകളായി കുല്ദീപ് യാദവും വരുണ് ചക്രവര്ത്തിയും പേസ് നിരയില് കരുത്താകാനായി ജസ്പ്രീത് ബുംറ, അര്ഷ്ദീപ് സിങ്, ഹര്ഷിത് റാണ എന്നിവരും ഏഷ്യാ കപ്പ് ലക്ഷ്യമിടുന്ന ഇന്ത്യന് സ്ക്വാഡിലുണ്ട്.
യശസ്വി ജെയ്സ്വാള്, ശ്രേയസ് അയ്യര്, മുഹമ്മദ് സിറാജ് എന്നിവരാണ് ഏഷ്യാ കപ്പ് കളിക്കാന് സാധിക്കാതെ പോയ താരങ്ങളില് പ്രമുഖര്.
ഐ.പി.എല് ടീമുകളുടെ അടിസ്ഥാനത്തില് ഏഷ്യാ കപ്പ് സ്ക്വാഡ് പരിശോധിക്കുമ്പോള് മുംബൈ ഇന്ത്യന്സില് നിന്നുമാണ് ഏറ്റവുമധികം താരങ്ങള് ഇടം പിടിച്ചിരിക്കുന്നത്. നാല് പേര്. കൊല്ക്കത്ത നൈറ്റ് റൈഡേഴ്സില് നിന്ന് മൂന്ന് പേരും ദല്ഹി ക്യാപ്പിറ്റല്സില് നിന്ന് രണ്ട് താരങ്ങളും ഏഷ്യാ കപ്പിനുള്ള ഇന്ത്യന് സ്ക്വാഡിലുണ്ട്.
ലഖ്നൗ സൂപ്പര് ജയന്റ്സില് നിന്നുമാണ് ഒരാള്ക്ക് പോലും സ്ക്വാഡില് ഇടം നേടാന് സാധിക്കാതെ പോയത്. മറ്റ് ആറ് ടീമുകളില് നിന്ന് ഓരോ താരങ്ങളും ഏഷ്യാ കപ്പ് സ്ക്വാഡില് അംഗങ്ങളാണ്.
മുംബൈ ഇന്ത്യന്സ് – സൂര്യകുമാര് യാദവ്, തിലക് വര്മ, ഹര്ദിക് പാണ്ഡ്യ, ജസ്പ്രീത് ബുംറ
കൊല്ക്കത്ത നൈറ്റ് റൈഡേഴ്സ് – വരുണ് ചക്രവര്ത്തി, ഹര്ഷിത് റാണ, റിങ്കു സിങ്
ദല്ഹി ക്യാപ്പിറ്റല്സ് – അക്സര് പട്ടേല്, കുല്ദീപ് യാദവ്
ചെന്നൈ സൂപ്പര് കിങ്സ് – ശിവം ദുബെ
ഗുജറാത്ത് ടൈറ്റന്സ് – ശുഭ്മന് ഗില്
പഞ്ചാബ് കിങ്സ് – അര്ഷ്ദീപ് സിങ്
രാജസ്ഥാന് റോയല്സ് – സഞ്ജു സാംസണ്
റോയല് ചലഞ്ചേഴ്സ് ബെംഗളൂരു – ജിതേഷ് ശര്മ
സണ്റൈസേഴ്സ് ഹൈദരാബാദ് – അഭിഷേക് ശര്മ
ലഖ്നൗ സൂപ്പര് ജയന്റ്സ് – ______
ഏഷ്യാ കപ്പില് ഗ്രൂപ്പ് എ-യിലാണ് ഇന്ത്യയുടെ സ്ഥാനം. പാകിസ്ഥാന്, യു.എ.ഇ, ഒമാന് എന്നിവരാണ് ഗ്രൂപ്പിലെ മറ്റ് ടീമുകള്.
സെപ്റ്റംബര് പത്തിനാണ് ഇന്ത്യയുടെ ആദ്യ മത്സരം. യു.എ.ഇയാണ് എതിരാളികള്. സെപ്റ്റംബര് 14ന് പാകിസ്ഥാനെതിരെയും 19ന് ഒമാനെതിരെയും ഇന്ത്യ കളത്തിലിറങ്ങും.
സെപ്റ്റംബര് 9 – അഫ്ഗാനിസ്ഥാന് vs ഹോങ് കോങ് – അബുദാബി
സെപ്റ്റംബര് 10 – ഇന്ത്യ vs യു.എ.ഇ- ദുബായ്
സെപ്റ്റംബര് 11 – ഹോങ് കോങ് vs ബംഗ്ലാദേശ് – അബുദാബി
സെപ്റ്റംബര് 12 – പാകിസ്ഥാന് vs ഒമാന് – ദുബായ്
സെപ്റ്റംബര് 13 – ബംഗ്ലാദേശ് vs ശ്രീലങ്ക – അബു ദാബി
സെപ്റ്റംബര് 14 – ഇന്ത്യ vs പാകിസ്ഥാന് – ദുബായ്
സെപ്റ്റംബര് 15 – യു.എ.ഇ vs ഒമാന് – അബുദാബി
സെപ്റ്റംബര് 15 – ശ്രീലങ്ക vs ഹോങ് കോങ് – ദുബായ്
സെപ്റ്റംബര് 16 – ബംഗ്ലാദേശ് vs അഫ്ഗാനിസ്ഥാന് – അബുദാബി
സെപ്റ്റംബര് 17 – പാകിസ്ഥാന് vs യു.എ.ഇ – ദുബായ്
സെപ്റ്റംബര് 18 – ശ്രീലങ്ക vs അഫ്ഗാനിസ്ഥാന് – അബുദാബി
സെപ്റ്റംബര് 19 – ഇന്ത്യ vs ഒമാന് – അബുദാബി
Content Highlight: India’s Asia Cup Squad based on IPL Teams