ഇംഗ്ലണ്ടിന്റെ ഇന്ത്യന് പര്യടനത്തിലെ നാലാം മത്സരം മഹാരാഷ്ട്ര ക്രിക്കറ്റ് അസോസിയേഷന് സ്റ്റേഡിയത്തില് തുടരുകയാണ്. പരമ്പര സ്വന്തമാക്കാന് ഇന്ത്യയും പരമ്പര കൈവിടാതെ കാക്കാന് ഇംഗ്ലണ്ടും പൊരുതുമ്പോള് ആരാധകര്ക്ക് മികച്ച ക്രിക്കറ്റ് എക്സ്പീരിയന്സാണ് ലഭിക്കുന്നത്.
മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ നിശ്ചിത ഓവറില് ഒമ്പത് വിക്കറ്റ് നഷ്ടത്തില് 181 റണ്സാണ് നേടിയത്. സൂപ്പര് താരം ഹര്ദിക് പാണ്ഡ്യയുടെയും ശിവം ദുബെയുടെയും അര്ധ സെഞ്ച്വറി കരുത്തിലാണ് ഇന്ത്യ മികച്ച സ്കോറിലെത്തിയത്.
𝗜𝗻𝗻𝗶𝗻𝗴𝘀 𝗕𝗿𝗲𝗮𝗸!#TeamIndia posted 181/9 on the board! 👌 👌
5⃣3⃣ for Hardik Pandya
5⃣3⃣ for Shivam Dube
3⃣0⃣ for Rinku Singh
2⃣9⃣ for Abhishek Sharma
ഏഴാം നമ്പറില് ക്രീസിലെത്തിയ ഹര്ദിക് 30 പന്തില് 53 റണ്സുമായാണ് പുറത്തായത്. നാല് വീതം സിക്സറും ഫോറും അടക്കം 176.67 എന്ന മികച്ച സ്ട്രൈക്ക് റേറ്റിലാണ് താരം ബാറ്റ് വീശിയത്.
5⃣3⃣ Runs
3⃣0⃣ Balls
4⃣ Fours
4⃣ Sixes
Hardik Pandya put on an absolute show in Pune! 👏 👏
34 പന്തില് 53 റണ്സാണ് ദുബെയുടെ സമ്പാദ്യം. രണ്ട് സിക്സറും ഏഴ് ഫോറും അടങ്ങുന്നതായിരുന്നു ദുബെയുടെ ഇന്നിങ്സ്.
അന്താരാഷ്ട്ര ടി-20 കരിയറിലെ അഞ്ചാമത് അര്ധ സെഞ്ച്വറി പൂര്ത്തിയാക്കിയ ഹര്ദിക് മറ്റൊരു ചരിത്ര റെക്കോഡും സ്വന്തമാക്കി. മൂന്ന് വ്യത്യസ്ത പൊസിഷനുകളില് ബാറ്റിങ്ങിനിറങ്ങി അര്ധ സെഞ്ച്വറി പൂര്ത്തിയാക്കുന്ന ആദ്യ ഇന്ത്യന് താരമെന്ന നേട്ടമാണ് പാണ്ഡ്യ സ്വന്തമാക്കിയത്.
നേരത്തെ അഞ്ചാം നമ്പറിലും ആറാം നമ്പറിലും ഇറങ്ങി ടി-20ഐ സെഞ്ച്വറി പൂര്ത്തിയാക്കിയ താരം ഇന്ന് ഏഴാം നമ്പറിലും അര്ധ സെഞ്ച്വറി നേടിയിരിക്കുകയാണ്.
അതേസമയം, മറുപടി ബാറ്റിങ്ങിനിറങ്ങിയ ഇംഗ്ലണ്ട് പവര്പ്ലേ അവസാനിക്കുമ്പോള് ഒരു വിക്കറ്റ് നഷ്ടത്തില് 61 വിക്കറ്റ് എന്ന നിലയിലാണ്. ആറാം ഓവറിലെ അവസാന പന്തിലാണ് ഇന്ത്യയ്ക്ക് വിക്കറ്റ് നേടാനായത്.
രവി ബിഷ്ണോയ്യുടെ പന്തില് സൂര്യകുമാറിന് ക്യാച്ച് നല്കി ബെന് ഡക്കാറ്റാണ് പുറത്തായത്. 19 പന്തില് 39 റണ്സ് നേടി നില്ക്കവെയാണ് താരം പുറത്തായത്.
A breakthrough for #TeamIndia, courtesy Ravi Bishnoi! 👍 👍
