നിങ്ങള്‍ പറഞ്ഞ അതേ ബൗളറെ ഓവറില്‍ അഞ്ച് സിക്‌സറിന് പറത്തിയവനാണ്; സഞ്ജുവിനോട് മാത്രം അവഗണനയോ?

സൂപ്പര്‍ ഫോറിലെ ഇന്ത്യ – പാകിസ്ഥാന്‍ മത്സരത്തില്‍ സഞ്ജുവിന്റെ ബാറ്റിങ് പൊസിഷന്‍ ഡീമോട്ട് ചെയ്തതില്‍ വ്യാപകവിമര്‍ശനമാണ് ഉയര്‍ന്നുവന്നത്. ഓപ്പണിങ്ങില്‍ മികച്ച പ്രകടനം പുറത്തെടുത്ത താരത്തിന്റെ പൊസിഷന്‍ തട്ടിയകറ്റി മധ്യനിരയിലേക്കിറക്കിയ ഇന്ത്യ, എട്ടാം നമ്പറിലേക്കാണ് ബംഗ്ലാദേശിനെതിരെ താരത്തെ കരുതിവെച്ചത്. മത്സരത്തില്‍ ബാറ്റ് തൊടാനും അനുവദിച്ചില്ല.

സഞ്ജുവിന് പകരം ബാറ്റിങ് ഓര്‍ഡറില്‍ പ്രമോട്ട് ചെയ്ത ഓരോരുത്തരും ഒന്നുപോലെ പരാജയപ്പടുകയായിരുന്നു. ടോപ്പ് ഓര്‍ഡറില്‍, ഐ.പി.എല്ലിലടക്കം സഞ്ജു തിളങ്ങിയ മൂന്നാം നമ്പറില്‍ ശിവം ദുബെയെയാണ് ഇന്ത്യ കളത്തിലിറക്കിയത്. മൂന്ന് പന്ത് നേരിട്ട താരം രണ്ട് റണ്‍സിന് പുറത്തായി.

മറുവശത്ത് ഇതേ സൂര്യയെ സാക്ഷിയാക്കി തന്നെയായിരുന്നു സഞ്ജു സെഞ്ച്വറി നേടിയതും. സ്പിന്നിനെതിരെ സഞ്ജു എത്രത്തോളം മികച്ച രീതിയില്‍ ബാറ്റ് വീശും എന്നത് എതിരാളികള്‍ക്ക് മനസിലായിട്ടും ബി.സി.സി.ഐക്ക് ഇനിയും മനസിലായിട്ടില്ല എന്ന് തന്നെയാണ് ഇന്ത്യ – ബംഗ്ലാദേശ് മത്സരം അടിവരയിടുന്നത്.

Content highlight: IND vs BAN: Suryakumar Yadav about Bangladesh’s bowling line up and Shivam Dube