മേഖലയിലെ സമാധാനത്തിനും വികസനത്തിനും മുന്ഗണന നല്കുന്നുണ്ടെങ്കില് ഗള്ഫ് രാജ്യങ്ങള് സ്വന്തം മണ്ണ് ശത്രുക്കളുടെ ആക്രമണങ്ങള്ക്ക് വിട്ട് നല്കരുതെന്ന് അദ്ദേഹം പറഞ്ഞു.
‘പ്രാദേശിക സ്ഥിരതയും വികസനവും സുരക്ഷയും ഉറപ്പാക്കാന് ആഗ്രഹിക്കുന്നുണ്ടെങ്കില് നിങ്ങളുടെ പ്രദേശങ്ങള് ഞങ്ങളുടെ ശത്രുക്കള്ക്ക് ആക്രമണങ്ങള് നടത്താനായി വിട്ടുനല്കരുത്’, പെസസ്കിയാന് പറഞ്ഞു.
ഇറാന് ഒരു രാജ്യത്തിന് നേരെയും കടന്നാക്രമണം നടത്തുന്നില്ലെന്ന് ആവര്ത്തിക്കുകയാണ്. പക്ഷെ, തങ്ങളുടെ അടിസ്ഥാന സൗകര്യങ്ങള്ക്ക് നേരെയോ സാമ്പത്തിക കേന്ദ്രങ്ങള്ക്ക് നേരെയോ ആക്രമണമുണ്ടായാല് ശക്തമായി തന്നെ തിരിച്ചടിക്കുമെന്നും പെസസ്കിയാന് പശ്ചിമേഷ്യന് രാജ്യങ്ങളെ അഭിസംബോധന ചെയ്തുകൊണ്ട് മുന്നറിയിപ്പ് നല്കി.
പശ്ചിമേഷ്യയിലെ യു.എസ് താവളങ്ങള് ലക്ഷ്യം വെച്ച് ഇറാന് ശക്തമായ ആക്രമണങ്ങളാണ് നടത്തുന്നത്. ദുബായിലെ രണ്ട് യു.എസ് ഒളിത്താവളങ്ങള്ക്ക് നേരെ ഇറാന് ആക്രമണം നടത്തിയെന്ന് ഫാര്സ്
വാര്ത്താ ഏജന്സി റിപ്പോര്ട്ട് ചെയ്തു.
പശ്ചിമേഷ്യയില് കൂടുതല് സൈന്യത്തെ വിന്യസിക്കുമെന്ന് പെന്റഗണ് സൂചന നല്കി. 82ാമത് എയര്ബോണ് ഡിവിഷനില് നിന്നും പശ്ചിമേഷ്യയിലേക്ക് സൈന്യത്തെ വിന്യസിക്കുമെന്ന് പെന്റഗണ് അറിയിച്ചതായി സി.ബി.എസ് റിപ്പോര്ട്ട് ചെയ്തു.
