ന്യൂദല്ഹി: ആന്ഡ്രോയ്ഡിന്റെ ഏറ്റവും പുതിയ വേര്ഷനായ ആന്ഡ്രോയ്ഡ് എന് “N” പേര് നിര്ദ്ദേശിക്കാന് ആവശ്യപ്പെട്ട് ഗൂഗിള്. ഓണ്ലൈന് പോള് വഴിയാണ് പേരുകള് നിര്ദ്ദേശിക്കേണ്ടതെന്ന് ഗൂഗിള് സി.ഇ.ഒ സുന്ദര് പിച്ചൈ അറിയിച്ചു. എന് എന്ന ഇംഗ്ലീഷ് അക്ഷരത്തില് ആരംഭിക്കുന്ന രുചികരമായ പലഹാരത്തിന്റെ പേരാണ് നിര്ദ്ദേശിക്കേണ്ടത്.
ഗൂഗിള് ഒപ്പീനിയന് റിവാഡ്സില് നല്കിയിരിക്കുന്ന പേരുകളില് നിന്നാണ് ഉപഭോക്താക്കള് പേര് തെരെഞ്ഞെടുക്കേണ്ടത്. നെപ്പോളിയന്, നട്ട് ബ്രിറ്റില്, നാക്കോസ്, നോറി, ന്യൂഡില്സ്, നൗഗാട്ട്, നിയോപൊളിറ്റന് ഐസ്ക്രീം എന്നിവയിലൊന്നാണ് തെരെഞ്ഞെടുക്കേണ്ടത്.
ആന്ഡ്രോയ്ഡ് വേര്ഷനുകള്ക്ക് രുചികരമായ പലഹാരങ്ങളുടെ പേരാണ് നല്കാറുള്ളത്. ആല്ഫ, ബീറ്റ എന്നീ ആദ്യ വേര്ഷനുകള് മാത്രമാണ് ഇതിന് വിരുദ്ധമായി പുറത്തിറങ്ങിയിട്ടുള്ളത്. കപ്പ് കേക്ക്, ഡോനട്ട്, എക്ലയര്, ഫ്രോയോ, ജിഞ്ചര് ബ്രെഡ്, ഹണികോംപ്, ഐസ്ക്രീം സാന്റ്വിച്ച്, ജെല്ലിബീന്, കിറ്റ്കാറ്റ്, ലോലിപ്പോപ്പ്, മാഷ്മെലോ എന്നിവയാണ് മുന് ആന്ഡ്രോയ്ഡ് വേര്ഷനുകള്.