കൊച്ചിയില് ഗുഡ്സ് ട്രെയിനിന്റെ ബോഗികള് വേര്പ്പെട്ടു; അതിവേഗം ഇടപെട്ട് റെയില്വേ അധികൃതര്
ഡൂള്ന്യൂസ് ഡെസ്ക്
Monday, 19th June 2023, 11:49 pm
കൊച്ചി: എറണാകുളത്ത് ഗുഡ്സ് ട്രെയിനിന്റെ രണ്ട് ബോഗികള് വേര്പ്പെട്ടതായി റിപ്പോര്ട്ട്. എറണാകുളത്ത് നിന്നും പാലക്കാട് പോകുന്ന ഗുഡ്സ് ട്രെയിനിന്റെ ബോഗികളാണ് വേര്പ്പെട്ടത്. വട്ടേക്കുന്നം ജുമാ മസ്ജിദിന് സമീപം ആണ് സംഭവം. രാത്രി 8.30ഓടെയാണ് സംഭവം.
ട്രെയിനിന്റെ ലോക്ക് വേര്പ്പെട്ടതിനെ തുടര്ന്ന് രണ്ട് ബോഗികള് വേര്പ്പെടുകയായിരുന്നു എന്ന് മാധ്യമങ്ങള് റിപ്പോര്ട്ട് ചെയ്തു. ഗുഡ്സ് ട്രെയിന് ആയതിനാല് ആളപായമില്ല.
