![?php echo $post['title']; ?>](https://assets.doolnews.com/w/900x473/2026/07/messi-6.jpg)
2026 ഫിഫ ലോകകപ്പ് ഫൈനലില് ഡിഫന്ഡിങ് ചാമ്പ്യന്മാരെന്ന പേരും പെരുമയുമായെത്തിയ അര്ജന്റീനയെ എതിരില്ലാത്ത ഒരു ഗോളിന് പരാജയപ്പെടുത്തിയാണ് സ്പെയ്ന് തങ്ങളുടെ ഫുട്ബോള് ചരിത്രത്തിലെ രണ്ടാം കിരീടം ഷെല്ഫിലെത്തിച്ചത്.
മെറ്റ്ലൈഫ് സ്റ്റേഡിയത്തില് നടന്ന മത്സരത്തില് എക്സ്ട്രാ ടൈമിന്റെ രണ്ടാം പകുതിയില് ഫെറാന് ടോറസിന്റെ ഗോളിലാണ് അര്ജന്റീന തുടര്ച്ചയായ രണ്ടാം കിരീടമെന്ന മോഹം അടിയറവ് വെച്ചത്.
മത്സരത്തിന്റെ സമസ്ത മേഖലകളിലും അര്ജന്റീനയ്ക്ക് ഒരു സാധ്യതയും നല്കാതെയാണ് ചെങ്കുപ്പായക്കാര് കളം പിടിച്ചത്. ഫൈനല് വിസിലിന് ശേഷം നിരാശനായി തല കുമ്പിട്ടിരുന്ന ലയണല് മെസിയായിരുന്നു പ്രധാന കാഴ്ച.
കിരീടപ്പോരാട്ടത്തിലെ തോല്വിക്ക് ശേഷം ഏറെ വൈകാരികമായി മെസി പോസ്റ്റ് പങ്കുവെച്ചിരുന്നു. അര്ജന്റീന ആരാധകര്ക്കും ടീമിനും നന്ദി അറിയിച്ചുകൊണ്ടുള്ള മെസിയുടെ ഈ പോസ്റ്റിന് സ്പാനിഷ് സൂപ്പര് താരം ഗാവി പങ്കുവെച്ച കമന്റാണ് ആരാധകര്ക്കിടയില് ചര്ച്ചയാകുന്നത്.
