![?php echo $post['title']; ?>](https://assets.doolnews.com/w/900x473/2026/01/shastri.jpg)
ന്യൂസിലാന്‍ഡ് പര്യടനത്തിന് മുന്നോടിയായി ഇന്ത്യന്‍ സ്റ്റാര്‍ ബൗളര്‍ ജസ്പ്രീത് ബുംറയെക്കുറിച്ച് സംസാരിക്കുകയാണ് മുന്‍ ഇന്ത്യന്‍ പരിശീലകന്‍ രവി ശാസ്ത്രി. ലോകകപ്പ് വരെ ബുംറ മൂന്ന് ഫോര്‍മാറ്റുകളിലും കളിക്കേണ്ടതില്ലെന്നും ന്യൂസിലാന്‍ഡില്‍ നടക്കാനിരിക്കുന്ന രണ്ട് ടെസ്റ്റ് മത്സരങ്ങള്‍ക്കായി അദ്ദേഹത്തെ സംരക്ഷിച്ച് നിര്‍ത്തുന്നതാകും ഉചിതമെന്നും ശാസ്ത്രി പറഞ്ഞു.
‘ലോകകപ്പ് വരെ അദ്ദേഹം മൂന്ന് ഫോര്‍മാറ്റുകളിലും കളിക്കേണ്ടതുണ്ടെന്ന് എനിക്ക് തോന്നുന്നില്ല. അദ്ദേഹം പ്രധാനമായും ടെസ്റ്റ് ക്രിക്കറ്റില്‍ ശ്രദ്ധ കേന്ദ്രീകരിക്കുകയും, ഏകദിനങ്ങളിലും ടി-20കളിലും ഇടയ്ക്കിടെ മാത്രം കളിക്കുകയും വേണം. ന്യൂസിലാന്‍ഡില്‍ നടക്കാനിരിക്കുന്ന രണ്ട് ടെസ്റ്റ് മത്സരങ്ങള്‍ക്കായി അദ്ദേഹത്തെ സംരക്ഷിച്ചു നിര്‍ത്തുന്നതാകും ഉചിതം; അവിടെ അദ്ദേഹം നിര്‍ണായകമായേക്കും.
മാത്രമല്ല ഇന്ത്യയുടെ ന്യൂസിലാന്‍ഡ് പര്യടനം ഏറെ പ്രധാനപ്പെട്ടതാണെന്നും 2027ലെ ഏകദിന ലോകകപ്പില്‍ നേരിടേണ്ടി വന്നേക്കാവുന്ന സാഹചര്യങ്ങള്‍ ന്യൂസിലാന്‍ഡില്‍ ഉണ്ടാകുമെന്നും ശാസ്ത്രി സൂചിപ്പിച്ചു.
‘ഈ പര്യടനം മുഴുവനായും പ്രധാനപ്പെട്ടതാണ്. ഇന്ത്യന്‍ ക്രിക്കറ്റ് ഏത് ദിശയിലേക്കാണ് നീങ്ങുന്നതെന്ന് വ്യക്തമാക്കുന്ന സൂചനകള്‍ ഇതില്‍ നിന്ന് ലഭിക്കും. ലോകകപ്പിനായി സൗത്ത് ആഫ്രിക്കയില്‍ എത്തുമ്പോള്‍ ഇന്ത്യയ്ക്ക് നേരിടേണ്ടി വന്നേക്കാവുന്ന സാഹചര്യങ്ങളോട് സാമ്യമുള്ള അവസ്ഥകള്‍ അവിടെയും ഉണ്ടായേക്കാം,’ സോണി സ്‌പോര്‍ട്‌സില്‍ ശാസ്ത്രി പറഞ്ഞു.
കിവീസിനെതിരായ പര്യടനത്തില്‍ അഞ്ച് ടി-20യും അഞ്ച് ഏകദിനവും രണ്ട് ടെസ്റ്റുമാണ് ഉണ്ടാകുക. ടി-20 പരമ്പര ഒക്ടോബര്‍ 22നാണ് തുടങ്ങുന്നത്. ഏകദിന പരമ്പര നവംബര്‍ നാലിനും ടെസ്റ്റ് നവംബര്‍ 23നുമാണ് തുടങ്ങുന്നത്. നിലവില്‍ ടി-20, ഏകദിന പരമ്പരകള്‍ക്കുള്ള ഇന്ത്യന്‍ ടീമില്‍ നിന്ന് ബുംറയ്ക്ക് വിശ്രമം നല്‍കിയിട്ടുണ്ട്.
ടി-20 പരമ്പരയുടെ ഇന്ത്യ സ്‌ക്വാഡ്
ശ്രേയസ് അയ്യര്‍ (ക്യാപ്റ്റന്‍), അഭിഷേക് ശര്‍മ, സഞ്ജു സാംസണ്‍ (വിക്കറ്റ് കീപ്പര്‍), ഇഷാന്‍ കിഷന്‍ (വിക്കറ്റ് കീപ്പര്‍), വൈഭവ് സൂര്യവംശി, തിലക് വര്‍മ (വൈസ് ക്യാപ്റ്റന്‍), അക്സര് പട്ടേല്‍, ശിവം ദുബെ, നിതീഷ് കുമാര്‍ റെഡ്ഡി, നമന്‍ ധിര്‍, മായങ്ക് യാദവ്, പ്രിന്‍സ് യാദവ്, അര്‍ഷ്ദീപ് സിങ്, ഭുവനേശ്വര്‍ കുമാര്‍, വരുണ്‍ ചക്രവര്‍ത്തി, കുല്‍ദീപ് യാദവ്.
ന്യൂസിലാന്‍ഡിനെതിരായ ആദ്യ മൂന്ന് ഏകദിനങ്ങള്‍ക്കുള്ള സ്‌ക്വാഡ്
ശുഭ്മാന്‍ ഗില്‍, രോഹിത് ശര്‍മ, വിരാട് കോഹ്‌ലി, ശ്രേയസ് അയ്യര്‍, കെ.എല്‍. രാഹുല്‍, നിതീഷ് കുമാര്‍ റെഡ്ഡി, അക്സര് പട്ടേല്‍, നമന്‍ ധിര്‍, അന്‍ഷുല്‍ കാംബോജ്, ഗുര്‍നൂര്‍ ബ്രാര്‍, ഋതുരാജ് ഗെയ്ക്വാദ്, അര്‍ഷ്ദീപ് സിങ്, ഇഷാന്‍ കിഷന്‍, മുഹമ്മദ് സിറാജ്, പ്രസിദ്ധ് കൃഷ്ണ, കുല്‍ദീപ് യാദവ്.
ന്യൂസിലാന്‍ഡിനെതിരായ നാലും അഞ്ചും ഏകദിനങ്ങള്‍ക്കുള്ള സ്‌ക്വാഡ്
ശ്രേയസ് അയ്യര്‍, രോഹിത് ശര്‍മ, വിരാട് കോഹ്‌ലി, തിലക് വര്‍മ, ഇഷാന്‍ കിഷന്‍, നിതീഷ് കുമാര്‍ റെഡ്ഡി, അക്സര് പട്ടേല്‍, നമന്‍ ധിര്‍, ആഖിബ് നബി, ഗുര്‍നൂര്‍ ബ്രാര്‍, ഋതുരാജ് ഗെയ്ക്വാദ്, അര്‍ഷ്ദീപ് സിങ്, കുമാര്‍ കുശാഗ്ര, മുഹമ്മദ് സിറാജ്, യാഷ് താക്കൂര്‍, കുല്‍ദീപ് യാദവ്.
Content Highlight: Former Indian Coach Talking About Jasprit Bumrah
