ഇന്ധന സെസ് കുറക്കില്ല; പദ്ധതികളില്‍ ശാസ്ത്രീയമായ രീതി കൊണ്ടുവന്ന് ചെലവ് ചുരുക്കുകയാണ് ലക്ഷ്യം: കെ.എന്‍. ബാലഗോപാല്‍
ഡൂള്‍ന്യൂസ് ഡെസ്‌ക്
Wednesday, 8th February 2023, 5:18 pm
തിരുവനന്തപുരം: സംസ്ഥാന ബജറ്റില്‍ പ്രഖ്യാപിച്ച ഇന്ധന സെസില്‍ മാറ്റമുണ്ടാകില്ലെന്ന് അറിയിച്ച് ധനമന്ത്രി കെ.എന്‍. ബാലഗോപാല്‍. ഇന്ധന സെസ് അടക്കം ബജറ്റില്‍ പ്രഖ്യാപിച്ച ഒരു നികുതിയും കുറക്കില്ലെന്ന് അദ്ദേഹം അറിയിച്ചു. പ്രതിപക്ഷ വിമര്‍ശനത്തില്‍ രാഷ്ട്രീയ അതിപ്രസരമാണെന്നും ധനമന്ത്രി പറഞ്ഞു.
നികുതി ഏര്‍പ്പെടുത്താതെ മുന്നോട്ടു പോകാനാകില്ലെന്നും കേരളം കട്ടപ്പുറത്താകുമെന്ന് സ്വപ്നം കാണുന്നവരുടെ സ്വപനം കട്ടപ്പുറത്തിരിക്കുകയേ ഉള്ളൂവെന്നും ധനമന്ത്രി പറഞ്ഞു. ഈ സര്‍ക്കാരിന് ഒരു ലക്ഷ്യബോധമുണ്ടെന്നും അത് കൃത്യമായി ബജറ്റില്‍ കാണാമെന്നും അദ്ദേഹം പറഞ്ഞു.
‘മദ്യത്തിന് കഴിഞ്ഞ രണ്ട് വര്‍ഷമായി നികുതി വര്‍ധിപ്പിച്ചിട്ടില്ല. 500 രൂപക്ക് മുകളിലുള്ള മദ്യത്തിനേ വില വര്‍ധിപ്പിച്ചിട്ടുള്ളൂ. വില്‍ക്കുന്നത് മദ്യത്തിന്റെ നല്ലൊരു ഭാഗവും 500 രൂപക്ക് താഴെയാണ്.
