പുണ്യാളനും സജിയും; 'എന്താട സജി' ട്രെയ്ലര് പുറത്ത്
എന്റര്ടെയിന്മെന്റ് ഡെസ്ക്
Thursday, 6th April 2023, 12:49 pm
ഒരിടവേളക്ക് ശേഷം ജയസൂര്യയും കുഞ്ചാക്കോ ബോബനും ഒരുമിക്കുന്ന എന്താടാ സജി എന്ന ചിത്രത്തിലെ ട്രെയ്ലര് പുറത്തുവിട്ടു.നവാഗതനായ ഗോഡ്ഫി സേവ്യര് ബാബുവാണ് ചിത്രത്തിന്റെ രചനയും സംവിധാനവും നിര്വഹിക്കുന്നത്. കുഞ്ചാക്കോ ബോബന് ചിത്രത്തില് പുണ്യാളനായാണ് എത്തുന്നത്.
മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനാണ് എന്താടാ സജി നിര്മിക്കുന്നത്. ഫാമിലി കോമഡി എന്റര്ടെയ്നറാണ് ചിത്രം. നേരത്തെ പുറത്തിറങ്ങിയ ചിത്രത്തിലെ ഗാനം ഏറെ ശ്രദ്ധിക്കപ്പെട്ടിരുന്നു.
ചിത്രത്തിന്റെ ടീസര് ഇതിന് മുമ്പ റിലീസ് ചെയ്തിരുന്നു. നിരവധി പേരാണ് സാമൂഹിക മാധ്യമങ്ങളില് ടീസറിനെ പ്രശംസിച്ചു രംഗത്തെത്തിയത്. ഒരു ഫീല് ഗുഡ് കോമഡി ചിത്രം ആണെന്നാണ് അണിയറപ്രവര്ത്തകര് പറയുന്നത്.
