ഒ.പിയും ശസ്ത്രക്രിയയും ബഹിഷ്കരിച്ച് ഡോക്ടര്മാര്; പണിമുടക്കില്ലെന്ന് പി.ജി ഡോക്ടര്മാര്; മെഡിക്കല് കോളേജുകള് പ്രതിസന്ധിയില്
അനിത സി
Thursday, 19th February 2026, 7:51 am
കോഴിക്കോട്: സംസ്ഥാനത്തെ മെഡിക്കല് കോളേജുകളിലെ അധ്യാപകരുടെ സമരത്തിന് പിന്നാലെ പണിമുടക്ക് പ്രഖ്യാപിച്ചിരുന്നെങ്കിലും പിന്മാറി പി.ജി ഡോക്ടര്മാര്. ഒ.പിയും അടിയന്തരമല്ലാത്ത ശസ്ത്രക്രിയകള് ബഹിഷ്കരിച്ചും വ്യാഴാഴ്ച സമരം നടത്തുമെന്ന് പ്രഖ്യാപിച്ച പി.ജി ഡോക്ടര്മാര് ഒടുവില് പിന്മാറുകയായിരുന്നു.
അതേസമയം, മെഡിക്കല് കോളേജ് അധ്യാപകരുടെ സമരം നാലാം ദിനത്തിലേക്ക് കടന്നിരിക്കുകയാണ്. സര്ക്കാര് ഇടപെട്ട് ഒത്തുതീര്പ്പിലെത്തിയെങ്കില് വ്യാഴാഴ്ച മുതല് അടിയന്തര ശസ്ത്രക്രിയയും ഓപ്പറേഷന് തിയേറ്ററും ബഹിഷ്കരിക്കുമെന്ന് കെ.ജെ.എം.സി.ടി.എയുടെ നേതൃത്വത്തില് പണിമുടക്കുന്ന ഡോക്ടര്മാര് അറിയിച്ചു. ഇതോടെ സംസ്ഥാനത്തെ മെഡിക്കല് കോളേജുകളുടെ പ്രവര്ത്തനം അവതാളത്തിലാകുമെന്ന ആശങ്ക ഉയര്ന്നു.
