തമിഴ് സിനിമയില് ഏറെ ശ്രദ്ധേയനായ സംവിധായകരില് ഒരാളാണ് റാം. പ്രശസ്ത സംവിധായകരായ രാജ്കുമാര് സന്തോഷി, ബാലു മഹേന്ദ്ര എന്നിവരുടെ സഹായിയായി പ്രവര്ത്തിച്ചതിന് ശേഷമാണ് റാം സംവിധായകനാകുന്നത്.
കത്രദ് തമിഴ് ആയിരുന്നു അദ്ദേഹത്തിന്റെ ആദ്യ ചിത്രം. പിന്നീട് തങ്കമീന്കള്, താരാമണി തുടങ്ങിയ സിനിമകള് സംവിധാനം ചെയ്തു. റാമിന്റെ സംവിധാനത്തില് എത്തിയ നാലാമത്തെ ചിത്രമായിരുന്നു പേരന്പ്.
2019ല് പുറത്തിറങ്ങിയ ഈ സിനിമയില് നായകനായത് മമ്മൂട്ടിയായിരുന്നു. ഇപ്പോള് സില്ലിമോങ്ക്സ് മോളിവുഡിന് നല്കിയ അഭിമുഖത്തില് മമ്മൂട്ടിയോടൊപ്പമുള്ള അനുഭവത്തെ കുറിച്ച് പറയുകയാണ് റാം.
‘ഞാന് ഡയലോഗ് പറയുന്നത് എപ്പോഴും അതിന്റെ മോഡുലേഷനില് തന്നെയാണ്. പക്ഷെ മമ്മൂക്കയ്ക്ക് ഞാന് പറയുന്ന മോഡുലേഷനില് പറയാന് ഇഷ്ടമില്ല. അതുകൊണ്ട് അദ്ദേഹം ആ മോഡുലേഷനില് ചെറിയ മാറ്റം വരുത്തും.
ഞാന് ഡയലോഗ് പറഞ്ഞു കൊടുക്കുന്ന സമയത്തൊക്കെ മമ്മൂക്ക എന്നോട് ഒരു കാര്യം മാത്രമാണ് പറയാറുള്ളത്. ‘നീ ഡയലോഗ് വായിച്ചു തന്നോളൂ. പക്ഷെ മോഡുലേഷനില് പറയരുത്’ എന്നാണ് അദ്ദേഹം പറയുക.
നിങ്ങള് എന്തിനാണ് ആ മോഡുലേഷനില് പറഞ്ഞു തരുന്നത് എന്നാണ് മമ്മൂക്ക ചോദിക്കുക. എനിക്ക് സ്ക്രിപ്റ്റ് വായിക്കാന് അറിയില്ല. മോഡുലേഷനില് മാത്രമാണ് പറയാന് അറിയുക. ഈ കാര്യത്തില് മാത്രമാണ് മമ്മൂക്കയ്ക്കും എനിക്കും ഇടയില് വഴക്ക് നടക്കുന്നത്. അദ്ദേഹത്തിന് ഒരിക്കലും ഡയലോഗ് പറയുന്നതിലൊന്നും സംവിധായകന്റെ ഇന്ഫ്ളുവെന്സ് വേണ്ട.
പക്ഷെ നമ്മള് എങ്ങനെയെങ്കില് അടിയുണ്ടാക്കി അദ്ദേഹത്തെ പുഷ് ചെയ്യും. അദ്ദേഹവുമായി അടിയുണ്ടാക്കുമോയെന്ന് ചോദിച്ചാല്, മമ്മൂക്ക അതിനുള്ള സ്പേസ് തന്നാല് മാത്രം (ചിരി). അദ്ദേഹത്തിന്റെ കൂടെ വര്ക്ക് ചെയ്യുന്നത് എളുപ്പമായിട്ടാണ് എനിക്ക് തോന്നിയിട്ടുള്ളത്. കാരണം അദ്ദേഹത്തോട് നമുക്ക് എന്തും പറയാനുള്ള സ്പേസുണ്ടാകും,’ റാം പറയുന്നു.
Content Highlight: Director Ram Talks About His Experience With Mammootty
