കര്ണനില് ധനുഷിന് നായിക രജിഷ വിജയന്; മാരി ശെല്വരാജ് ചിത്രത്തില് ലാലും
ഡൂള്ന്യൂസ് ഡെസ്ക്
Sunday, 5th January 2020, 9:12 pm
ധനുഷും സംവിധായകന് മാരി ശെല്വരാജും ഒന്നിക്കുന്ന ചിത്രത്തിന് കര്ണന് എന്ന് പേര്. നേരത്തെ പല തവണ കര്ണന് എന്നാണ് ചിത്രത്തിന്റെ പേരെന്ന് റിപ്പോര്ട്ടുകള് വന്നിരുന്നുവെങ്കിലും ഇപ്പോഴാണ് ഔദ്യോഗികമായി പ്രഖ്യാപിച്ചത്.
രജിഷ വിജയനാണ് ചിത്രത്തിലെ നായിക. രജിഷയുടെ തമിഴ് അരങ്ങേറ്റ ചിത്രമാണ് കര്ണ്ണന്. നടന് ലാലും യോഗി ബാബുവും ചിത്രത്തില് മുഖ്യവേഷങ്ങളില് എത്തും.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
മാരി ശെല്വരാജിന്റെ ആദ്യ ചിത്രമായ പരിയേറും പെരുമാളിന് സംഗീതമൊരുക്കിയ സന്തോഷ് നാരായണനാണ് ഈ ചിത്രത്തിന്റെയും സംഗീത സംവിധാനം നിര്വഹിക്കുന്നത്. ധനുഷിനോടൊപ്പം മൂന്നാം തവണയാണ് സന്തോഷ് ഒരുമിക്കുന്നത്. കൊടി, വട ചെന്നൈ എന്നീ ചിത്രങ്ങളിലായിരുന്നു ഇരുവരും നേരത്തെ ഒരുമിച്ചത്.
