ന്യൂസിലാന്ഡും വെസ്റ്റ് ഇന്ഡീസും തമ്മിലുള്ള മൂന്നാം ടെസ്റ്റ് പുരോഗമിച്ച് കൊണ്ടിരിക്കുകയാണ്. നിലവില് വെസ്റ്റ് ഇന്ഡീസ് രണ്ടാം ഇന്നിങ്സില് ബാറ്റ് ചെയ്യുകയാണ്. നാലാം ദിനം അവസാനിക്കുമ്പോള് വിന്ഡീസ് വിക്കറ്റ് നഷ്ടമില്ലാതെ 43 റണ്സെടുത്തിട്ടുണ്ട്. ബ്രാണ്ടന് കിങ് (46 പന്തില് 37), ജോണ് കാംബെല് (50 പന്തില് രണ്ട്) എന്നിവരാണ് ക്രീസിലുള്ളത്.
നേരത്തെ, ആദ്യം ബാറ്റ് ചെയ്ത കിവികള് 462 റണ്സിന്റെ വിജയലക്ഷ്യം ഉയര്ത്തിയിരുന്നു. ന്യൂസിലാന്ഡ് കരീബിയന് പടയ്ക്ക് മുന്നില് കൂറ്റന് സ്കോര് ഉയര്ത്തിയത് ഡെവോണ് കോണ്വെയുടെ കരുത്തിലാണ്. താരം രണ്ടാം ഇന്നിങ്സില് 139 പന്തില് 100 റണ്സാണ് എടുത്തത്.
ഡെവോണ് കോണ്വേ. Photo: ICC/x.com
നേരത്തെ, രണ്ടാം ഇന്നിങ്സില് കോണ്വേ ഇരട്ട സെഞ്ച്വറിയും സ്വന്തമാക്കിയിരുന്നു. 367 പന്തില് 227 റണ്സായിരുന്നു ആദ്യ ഇന്നിങ്സില് താരത്തിന്റെ സമ്പാദ്യം. രണ്ടാം ഇന്നിങ്സില് സെഞ്ച്വറിയും നേടിയതോടെ ഒരു സൂപ്പര് നേട്ടമാണ് താരം സ്വന്തമാക്കിയത്. ഒരു ടെസ്റ്റില് സെഞ്ച്വറിയും ഇരട്ട സെഞ്ച്വറിയും നേടിയ ആദ്യ ന്യൂസിലാന്ഡ് താരമാകാനാണ് കോണ്വേയ്ക്ക് സാധിച്ചത്.
കൂടാതെ, അന്താരാഷ്ട്ര ക്രിക്കറ്റില് ഇങ്ങനെ ഒരേ ടെസ്റ്റില് തന്നെ സെഞ്ച്വറിയും ഇരട്ട സെഞ്ച്വറിയും നേടുന്ന പത്താമത്തെ താരമായും കോണ്വേ തന്റെ പേര് എഴുതി ചേര്ത്തു.
ഒരേ ടെസ്റ്റില് സെഞ്ച്വറിയും ഇരട്ട സെഞ്ച്വറിയും നേടുന്ന പുരുഷ താരങ്ങള്
(താരം – ടീം – എതിരാളി – സ്കോര് – വേദി – വര്ഷം എന്നീ ക്രമത്തില്)
ശുഭ്മന് ഗില് – ഇന്ത്യ – ഇംഗ്ലണ്ട് – 269 ??& 161 – ബെര്മിങ്ഹാം 2025
ഡെവോണ് കോണ്വേ – ന്യൂസിലാന്ഡ് – വെസ്റ്റ് ഇന്ഡീസ് – 227 & 100 – മൗണ്ട് മൗംഗനുയി – 2025
ടോം ലേഥം. Photo: ICC/x.com
ഈ മത്സരത്തില് കോണ്വേയ്ക്കൊപ്പം തന്നെ ടോം ലേഥമും മികച്ച പ്രകടനം നടത്തിയിരുന്നു. താരം ഇരു ഇന്നിങ്സിലും സെഞ്ച്വറി നേടിയിട്ടുണ്ട്. ഒന്നാം ഇന്നിങ്സില് 246 പന്തില് 137 റണ്സാണ് എടുത്തത്. രണ്ടാം ഇന്നിങ്സിലാകട്ടെ 130 പന്തില് 101 റണ്സും താരം സ്കോര് ചെയ്തു.
Content Highlight: Devon Conway became first New Zealand batter and 10th men’s cricketer to hit a double hundred and century in same Test
