കാല്‍പന്തുകളിയലെ റൊണാള്‍ഡോ എഫക്ട്; മെസി ഇനി എത്ര ശ്രമിച്ചാലും സാധിക്കാത്തത്

ഗ്ലോബ് സോക്കര്‍ വേദിയില്‍ വീണ്ടും പുരസ്‌കാരത്തിളക്കത്തില്‍ ഇതിഹാസ താരം ക്രിസ്റ്റ്യാനോ റൊണാള്‍ഡോ. ഇത്തവണത്തെ ഏറ്റവും മികച്ച മിഡില്‍ ഈസ്റ്റ് താരത്തിനുള്ള പുരസ്‌കാരമാണ് റൊണാള്‍ഡോ സ്വന്തമാക്കിയത്. തുടര്‍ച്ചയായ മൂന്നാം വര്‍ഷമാണ് റൊണാള്‍ഡോ മിഡില്‍ ഈസ്റ്റിലെ ഏറ്റവും മികച്ച താരമായി തെരഞ്ഞെടുക്കപ്പെടുന്നത്.

ഇതിന് മുമ്പ് ആറ് തവണ ഏറ്റവും മികച്ച താരമായി തെരഞ്ഞെടുക്കപ്പെട്ട താരത്തിന്റെ ഗ്ലോബ് സോക്കര്‍ വേദിയിലെ 17ാം പുരസ്‌കാരമാണിത്. ഇതിഹാസ താരം ലയണല്‍ മെസിക്ക് ഒരു തവണ മാത്രമാണ് ഏറ്റവും മികച്ച താരത്തിനുള്ള പുരസ്‌കാരം ലഭിച്ചത്.

2011 മുതലാണ് മികച്ച താരത്തിനുള്ള ഗ്ലോബ് സോക്കര്‍ പുരസ്‌കാരം നല്‍കാന്‍ ആരംഭിച്ചത്. ഇപ്പോള്‍ 15ാം വര്‍ഷത്തിലെത്തി നില്‍ക്കുമ്പോള്‍ റൊണാള്‍ഡോ ഈ അവാര്‍ഡിന്റെ പര്യായമായി മാറിയിരിക്കുകയാണ്. മികച്ച താരമല്ലെങ്കില്‍ മറ്റേതെങ്കിലും പുരസ്‌കാരം, മിക്ക വര്‍ഷങ്ങളിലും താരം പുരസ്‌കാരവേദിയിലെത്താറുണ്ട്.

ഏറ്റവും മികച്ച താരത്തിനും ഏറ്റവും മികച്ച മിഡില്‍ ഈസ്റ്റ് താരത്തിനും പുറമെ ഏറ്റവും മികച്ച ഗോള്‍ സ്‌കോറര്‍, ഫാന്‍സ് ഫേവറിറ്റ് പ്ലെയര്‍ തുടങ്ങി 17 പുരസ്‌കാരങ്ങള്‍ റൊണാള്‍ഡോ ഗ്ലോബ് സോക്കറിന്റെ വേദിയില്‍ ഏറ്റുവാങ്ങിയിട്ടുണ്ട്.

ഗ്ലോബ് സോക്കര്‍ – ഏറ്റവും മികച്ച താരങ്ങള്‍

(വര്‍ഷം – താരം – ടീം എന്നീ ക്രമത്തില്‍)

• 2011 – ക്രിസ്റ്റ്യാനോ റൊണാള്‍ഡോ – പോര്‍ച്ചുഗല്‍ | റയല്‍ മാഡ്രിഡ്
• 2012 – റഡമെല്‍ ഫാല്‍ക്കോ – അത്‌ലറ്റിക്കോ മാഡ്രിഡ് | കൊളംബിയ
• 2013 – ഫ്രാങ്ക് റിബറി – ഫ്രാന്‍സ് | ബയേണ്‍ മ്യൂണിക്
• 2014 – ക്രിസ്റ്റ്യാനോ റൊണാള്‍ഡോ – പോര്‍ച്ചുഗല്‍ | റയല്‍ മാഡ്രിഡ്
• 2015 – ലയണല്‍ മെസി – അര്‍ജന്റീന | ബാഴ്‌സലോണ
• 2016 – ക്രിസ്റ്റ്യാനോ റൊണാള്‍ഡോ – പോര്‍ച്ചുഗല്‍ | റയല്‍ മാഡ്രിഡ്
• 2017 – ക്രിസ്റ്റ്യാനോ റൊണാള്‍ഡോ – പോര്‍ച്ചുഗല്‍ | റയല്‍ മാഡ്രിഡ്
• 2018 – ക്രിസ്റ്റ്യാനോ റൊണാള്‍ഡോ – പോര്‍ച്ചുഗല്‍ | റയല്‍ മാഡ്രിഡ്
• 2019 – ക്രിസ്റ്റ്യാനോ റൊണാള്‍ഡോ – പോര്‍ച്ചുഗല്‍ | റയല്‍ മാഡ്രിഡ്
• 2020 – റോബര്‍ട്ട് ലെവന്‍ഡോസ്‌കി – പോളണ്ട് | ബയേണ്‍ മ്യൂണിക്
• 2021 – കിലിയന്‍ എംബാപ്പെ – ഫ്രാന്‍സ് | പി.എസ്.ജി
• 2022 – കരിം ബെന്‍സെമ – ഫ്രാന്‍സ് | റയല്‍ മാഡ്രിഡ്
• 2023 – എര്‍ലിങ് ഹാലണ്ട് – നോര്‍വേ | മാഞ്ചസ്റ്റര്‍ സിറ്റി
• 2024 – വിനീഷ്യസ് ജൂനിയര്‍ – ബ്രസീല്‍ | റയല്‍ മാഡ്രിഡ്
• 2025 – ഒസ്മാനെ ഡെംബലെ – ഫ്രാന്‍സ് | പി.എസ്.ജി

Photo: ഗ്ലോബ് സോക്കര്‍ അവാര്‍ഡ്

ഓരോ താരങ്ങളും എത്ര വീതം

• ക്രിസ്റ്റ്യാനോ റൊണാള്‍ഡോ – 6
• റഡമെല്‍ ഫാല്‍ക്കോ – 1
• ഫ്രാങ്ക് റിബറി – 1
• ലയണല്‍ മെസി – 1
• റോബര്‍ട്ട് ലെവന്‍ഡോസ്‌കി – 1
• കിലിയന്‍ എംബാപ്പെ – 1
• കരീം ബെന്‍സെമ – 1
• എര്‍ലിങ് ഹാലണ്ട് – 1
• വിനീഷ്യസ് ജൂനിയര്‍ – 1
• ഒസ്മാനെ ഡെംബലെ – 1

ഗ്ലോബ് സോക്കര്‍ വേദിയില്‍ ക്രിസ്റ്റിയാനോ റൊണാള്‍ഡോ സ്വന്തമാക്കിയ മറ്റ് പുരസ്‌കാരങ്ങള്‍

➛ഏറ്റവും മികച്ച മിഡില്‍ ഈസ്റ്റ് താരം – 3 തവണ (2023, 2024, 2025)

➛ ബെസ്റ്റ് മീഡിയ അട്രാക്ഷന്‍ ഇന്‍ ഫുട്‌ബോള്‍ – 2011

➛ മാര്‍ക്കാസ് ഫാന്‍സ് ഫേവറിറ്റ് പ്ലെയര്‍ – 2014

➛ ഗുഡ്‌വില്‍ അവാര്‍ഡ് – 2016

➛ ഗ്ലോബ് സോക്കര്‍ 433 ഫാന്‍സ് അവാര്‍ഡ് – 2018

➛ ടോപ്പ് ഗോള്‍ സ്‌കോറര്‍ ഓഫ് ദി ഇയര്‍ – 2021

➛ ഫാന്‍സ് ഫേവറിറ്റ് പ്ലെയര്‍ – 2023

➛ ഏറ്റവും മികച്ച ഗോള്‍ വേട്ടക്കാരനുള്ള മറഡോണ അവാര്‍ഡ് – 2023

➛ ടോപ്പ് ഗോള്‍ സ്‌കോറര്‍ ഓഫ് ഓള്‍ ടൈം – 2024

Photo: ഗ്ലോബ് സോക്കര്‍ അവാര്‍ഡ്

ഇതിന് പുറമെ 21ാം നൂറ്റാണ്ടിലെ ഏറ്റവും മികച്ച താരമായും റൊണാള്‍ഡോ തെരഞ്ഞെടുക്കപ്പെട്ടിരുന്നു. 38 ശതമാനം വോട്ടാണ് താരത്തിനുണ്ടായിരുന്നത്. 24 ശതമാനം വോട്ടോടെ ലയണല്‍ മെസി രണ്ടാമതും 23 ശതമാനം വോട്ടുകളുമായി മുഹമ്മദ് സല മൂന്നാമതുമെത്തി. 20ാം നൂറ്റാണ്ടിലെ ഏറ്റവും മികച്ച താരമായി മറഡോണയാണ് തെരഞ്ഞെടുക്കപ്പെട്ടത്.

Content highlight: Cristiano Ronaldo’s performance at the Globe Soccer Awards