ഇന്ത്യന്‍ പ്രഡേട്ടറോ? ഫാന്റസി ത്രില്ലറുമായി ആര്യയുടെ ക്യാപ്റ്റന്‍ ട്രെയ്ലര്
എന്റര്‍ടെയിന്‍മെന്റ് ഡെസ്‌ക്
Monday, 22nd August 2022, 3:31 pm
മിരുതന്‍ എന്ന സിനിമയിലൂടെ ശ്രദ്ധേയനായ തമിഴ് സംവിധായകന്‍ ശക്തി സൗന്ദര്‍ രാജന്‍ സംവിധാനം ചെയ്യുന്ന ഫാന്റസി ത്രില്ലര്‍ ചിത്രം ക്യാപ്റ്റന്റെ ട്രെയ്ലര് പുറത്ത്. ആര്യയാണ് സിനിമയിലെ കേന്ദ്രകഥാപാത്രത്തെ അവതരിപ്പിക്കുന്നത്.
തിങ്ക് മ്യൂസിക്കിന്റെ യൂട്യൂബ് ചാനലിലൂടെയാണ് സിനിമയുടെ ട്രെയ്ലര് റിലീസ് ചെയ്തത്. ഏലിയന്‍ ഇന്‍വേഷന്‍ പ്രമേയമായ പരീക്ഷണചിത്രമാണ് ക്യാപ്റ്റന്‍. ഇതിനു മുന്നോടിയായി ഇറങ്ങിയ പോസ്റ്റര്‍ സോഷ്യല്‍ മീഡിയയില്‍ ചര്‍ച്ചയായിരുന്നു. പോസ്റ്ററും ട്രെയ്‌ലറുമെല്ലാം കണ്ടിട്ട് ചിത്രം ഇന്ത്യന്‍ പ്രഡേട്ടറാണോയെന്നാണ് സോഷ്യല്‍ മീഡിയ ചോദിക്കുന്നത്.
