![?php echo $post['title']; ?>](https://assets.doolnews.com/w/900x473/2025/12/bihar.jpg)
പാട്ന: ബീഹാറിലെ ബെഗുസരായില് ബുള്ഡോസ് രാജിനെതിരെ ബി.ജെ.പി അനുകൂലിയുടെ പ്രതിഷേധം. തന്റെ വീടും ചായക്കടയും തകര്ത്തതിനെ തുടര്ന്ന് കുന്ദന് മഹാതോ എന്നയാളാണ് പ്രതിഷേധവുമായി എത്തിയത്. മുടിമുറിച്ചും തന്റെ കാവി ഷോള് വീട്ടില് വളര്ത്തിയിരുന്ന നായയുടെ കഴുത്തില് അണിയിച്ചുമാണ് മഹാതോ പ്രതിഷേധിച്ചത്.
പ്രതിഷേധത്തിന് പിന്തുണ അറിയിച്ചുകൊണ്ട് ഏതാനും ഗ്രാമവാസികളും രംഗത്തുണ്ട്. നിലവില് ഈ സംഭവത്തിന്റെ ദൃശ്യങ്ങള് സമൂഹ മാധ്യമങ്ങളില് വ്യാപകമായി പ്രചരിക്കുകയാണ്. വീഡിയോയില്, താന് പ്രധാനമന്ത്രി നരേന്ദ്ര മോദിയുടെയും കേന്ദ്രമന്ത്രി ഗിരിരാജ് സിങ്ങിന്റെയും ആരാധകനാണെന്ന് യുവാവ് പറയുന്നതായി കേള്ക്കാം.
