മമ്മൂട്ടി കമ്പനിയുടെ നിര്മാണത്തില് ജിതിന്. കെ. ജോസിന്റെ സംവിധാനത്തില് മമ്മൂട്ടിയും വിനായകനും പ്രധാന വേഷങ്ങളിലെത്തുന്ന ചിത്രമാണ് കളങ്കാവല്. ചിത്രത്തിന്റെ പ്രീ റിലീസ് ഇവന്റ്കഴിഞ്ഞദിവസം കൊച്ചിയില് നടന്നു. ചിത്രത്തിന്റെ അണിയറപ്രവര്ത്തകരും മലയാളത്തിലെ മുന്നിര സംവിധായകരും ചടങ്ങില് പങ്കെടുക്കുകയും ചെയ്തു.
Basil Joseph Photo: Screen grab/ Mammootty Kampany
നടനും സംവിധായകനുമായ ബേസില് ജോസഫും ഇവന്റില് പങ്കെടുത്തിരുന്നു. ചിത്രത്തെക്കുറിച്ച് വളരെ വാചാലാനയാണ് ബേസില് സംസാരിച്ചത്. എല്ലാവരും പറഞ്ഞ പോലെ ഈ സിനിമയെ കുറിച് അറിയാന് താന് എക്സ്സൈറ്റഡ് ആണെന്നും ,എന്താണ് എങ്ങനെയാണ് ഈ സിനിമ എന്നറിയാന് കാത്തിരിക്കുകയാണെന്നും ബേസില് പറഞ്ഞു.
‘ഇതൊരു ത്രില്ലര് സിനിമയാണ്. ഇതിന്റെ ഓരോ പ്രൊമോഷനും ഇതുപോലെ വളരെ ത്രില്ലിംഗ് ആയിട്ടാണ് വന്നുകൊണ്ടിരിക്കുന്നത്. സിനിമയെ കുറിച്ച് ഒന്നും പുറത്തുപറയാത്ത സാഹചര്യത്തില് വളരെ എക്സൈറ്റഡാണ്. ഡിസംബര് അഞ്ചിന് തിയേറ്ററില് എത്തുന്ന ഈ സിനിമ കാണാന് വളരെ എക്സൈറ്റഡാണ്. മമ്മൂക്ക ഇതുപോലെ ഒരു റോള് ഏറ്റെടുത്തുചെയ്യാന് തീരുമാനിച്ചതും അത് മമ്മൂട്ടിക്കമ്പനി പ്രൊഡ്യൂസ് ചെയ്യാന് തീരുമാനിച്ചതും എല്ലാവര്ക്കും ഒരു മോട്ടിവേഷനും സന്തോഷവുമാണ്,’ ബേസില് പറയുന്നു.
Kalamkaval Photo: Screen grab/ Mammootty Kampany
11 മാസങ്ങള്ക്ക് ശേഷമാണ് മമ്മൂട്ടി ഒരു സിനിമയുടെ പ്രൊമോഷന് ചടങ്ങില് പങ്കെടുക്കുന്നത്. അസുഖബാധിതനായതിനാല് സിനിമയില് നിന്നും പൊതുമധ്യത്തില് നിന്നും താരം ചെറിയൊരു ഇടവേളയെടുത്തിരുന്നു. അസുഖമെല്ലാം മാറി പഴയതിനെക്കാള് ചുറുചുറുക്കോടെയെത്തിയ മമ്മൂട്ടിയെ മലയാളസിനിമ ആഘോഷിക്കുന്ന കാഴ്ചക്കാണ് സിനിമാലോകം സാക്ഷ്യം വഹിക്കുന്നത്.
മമ്മൂട്ടി പ്രതിനായകനും വിനായകന് നായകനുമാണെന്നുള്ളതാണ് കളങ്കാവലിന്റെ ഏറ്റവും വലിയ പ്രത്യേകത. നവാഗതനായ ജിതിന് കെ. ജോസഫ് സംവിധാനം ചെയ്യുന്ന ഈ സിനിമയില് രജിഷ വിജയന്, ഗായത്രി അരുണ്, മേഘ തോമസ്, ശ്രുതി രാമചന്ദ്രന്, ധന്യ അനന്യ, അസീസ് നെടുമങ്ങാട് തുടങ്ങിയ വന് താരനിരയാണ് അണിനിരക്കുന്നത്.
Content Highlight: Basil Joseph’s words about Kalamkaval movie viral
