ഹാരി കെയ്നിനെ ആക്രമണത്തിന്റെ ചുമതലയേല്പ്പിച്ച് 4-2-3-1 എന്ന ഫോര്മേഷനിലാണ് വിന്സെന്റ് കോംപാനി തന്റെ കുട്ടികളെ കളത്തിലിറക്കിയത്. മറുവശത്ത് 3-4-2-1 എന്ന ശൈലിയാണ് ഓഗ്സ്ബെര്ഗ് അവലംബിച്ചത്.
മത്സരത്തിന്റെ 23ാം മിനിട്ടില് ഇറ്റോ ബയേണിനെ മുമ്പിലെത്തിച്ചു. മൈക്കല് ഒലിസെയുടെ അസിസ്റ്റിലാണ് താരം ഗോള് കണ്ടെത്തിയത്.
തുടര്ന്ന് നിശ്ചിത സമയത്തും ആഡ് ഓണ് സമയത്തും ബയേണിനെ ഗോളടിക്കാന് അനുവദിക്കാതെ പൂട്ടിയതോടെ ഓഗ്സ്ബെര്ഗ് സീസണിലെ ഏറ്റവും വലിയ അട്ടിമറി വിജയം സ്വന്തമാക്കി.
ബുണ്ടസ് ലീഗയില് കളിച്ച 19 മത്സരത്തില് 16 വിജയവും രണ്ട് സമനിലയും നേടിയ ബയേണ് ആദ്യ തോല്വിയും ഏറ്റുവാങ്ങി. പരാജയം നേരിട്ടെങ്കിലും എട്ട് പോയിന്റ് വ്യത്യാസത്തില് ടീം ഒന്നാം സ്ഥാനത്ത് തുടരുകയാണ്.
ഈ വിജയത്തോടെ ഓഗ്സ്ബെര്ഗ് 13ാം സ്ഥാനത്തേക്ക് കയറി. 19 മത്സരത്തില് നിന്നും അഞ്ച് വിജയവും നാല് സമനിലയും പത്ത് തോല്വിയുമായി 19 പോയിന്റാണ് ഓഗ്സ്ബെര്ഗിനുള്ളത്.
