![?php echo $post['title']; ?>](https://assets.doolnews.com/w/900x473/2025/09/litton-das-1.jpg)
ഏഷ്യാ കപ്പില് ഹോങ് കോങ്ങിനെതിരായ തങ്ങളുടെ ആദ്യ മത്സരത്തില് വിജയിച്ചുകൊണ്ടാണ് ബംഗ്ലാദേശ് തങ്ങളുടെ പോരാട്ടം ആരംഭിച്ചിരിക്കുന്നത്. അബുദാബിയില് നടന്ന മത്സരത്തില് ഏഴ് വിക്കറ്റിനാണ് ബംഗ്ലാ കടുവകളുടെ വിജയം.
ഹോങ് കോങ് ഉയര്ത്തിയ 144 റണ്സിന്റെ വിജയലക്ഷ്യം മൂന്ന് വിക്കറ്റ് മാത്രം നഷ്ടപ്പെടുത്തി 14 പന്ത് ശേഷിക്കെ ബംഗ്ലാദേശ് മറികടന്നു. ക്യാപ്റ്റന് ലിട്ടണ് ദാസിന്റെ ബാറ്റിങ് കരുത്തിലാണ് കടുവകള് അനായാസ ജയം സ്വന്തമാക്കിയത്. ദാസ് 39 പന്തില് 59റണ്സടിച്ച് മടങ്ങി.
