ഏഷ്യാ കപ്പിനുള്ള സ്ക്വാഡ് പ്രഖ്യാപിച്ച് ഹോങ് കോങ്. യാസിം മുര്ത്താസയെ ക്യാപ്റ്റനായി ചുമതലപ്പെടുത്തി 20 അംഗ സ്ക്വാഡാണ് ഹോങ് കോങ് പ്രഖ്യാപിച്ചിരിക്കുന്നത്. സൂപ്പര് താരം ബാബര് ഹയാത്താണ് ടൂര്ണമെന്റില് മുര്ത്താസയുടെ ഡെപ്യൂട്ടി.
We are pleased to announce the Hong Kong, China Men’s Squad for the upcoming Prep Tour ahead of the @Asian Cricket Council Men’s Asia Cup 2025.
This tour represents a vital stage in our preparations, providing the squad with the opportunity to refine strategies, strengthen team… pic.twitter.com/BUZGYnxyVn
ഏഷ്യാ കപ്പില് ഗ്രൂപ്പ് ബി-യിലാണ് ഹോങ് കോങ് സ്ഥാനം പിടിച്ചിരിക്കുന്നത്. അഫ്ഗാനിസ്ഥാന്, ബംഗ്ലാദേശ്, ശ്രീലങ്ക എന്നിവരാണ് ഗ്രൂപ്പ് ബി-യിലെ മറ്റ് ടീമുകള്.
ഏഷ്യാ കപ്പിന്റെ കഴിഞ്ഞ എഡിഷനില് ടീം കളിച്ചിരുന്നില്ല. ഏഷ്യന് ക്രിക്കറ്റ് കൗണ്സിലിന്റെ മെന്സ് പ്രീമിയര് കപ്പില് മികച്ച പ്രകടനം കാഴ്ചവെക്കാന് സാധിക്കാതെ പോയതോടെയാണ് ഹോങ് കോങ്ങിന് ഏകദിന ഫോര്മാറ്റില് നടന്ന 2023 ഏഷ്യാ കപ്പില് കളത്തിലിറങ്ങാന് സാധിക്കാതെ പോയത്. 2022ലും ഹോങ് കോങ് ഏഷ്യാ കപ്പ് കളിച്ചിരുന്നില്ല.
2018ല് ഏഷ്യാ കപ്പ് കളിച്ചെങ്കിലും ഒന്നും നേടാന് ടീമിന് സാധിച്ചിരുന്നില്ല. ഇന്ത്യയും പാകിസ്ഥാനും അടങ്ങിയ ഗ്രൂപ്പ് എ-യിലായിരുന്നു ടീം ഇടം നേടിയത്. ഗ്രൂപ്പ് ഘട്ടത്തിലെ രണ്ട് മത്സരവും തോറ്റ് ഹോങ് കോങ് സൂപ്പര് ഫോര് കാണാതെ മടങ്ങി.
