കോളേജ് വിദ്യാര്ത്ഥിനിയായി നയന്താര; പുതിയ ചിത്രത്തിന്റെ ടൈറ്റില് വീഡിയോ പുറത്ത്
എന്റര്ടെയിന്മെന്റ് ഡെസ്ക്
Tuesday, 24th October 2023, 7:34 pm
നയന്താര നായികയാവുന്ന പുതിയ ചിത്രത്തിന്റെ ടൈറ്റില് വീഡിയോ പുറത്ത്. അന്നപൂരണി എന്ന് പേരിട്ടിരിക്കുന്ന ചിത്രത്തില് കോളേജ് വിദ്യാര്ത്ഥിനിയായാണ് നയന്താര എത്തുന്നത്. നയന്താരയുടെ 75ാമത്തെ് ചിത്രമാണ് അന്നപൂരണി.
നീലേഷ് കൃഷ്ണ സംവിധാനം ചെയ്യുന്ന ചിത്രം സീ സ്റ്റുഡിയോസ് ട്രിഡന്റ് ആര്ട്സ്, നാഡ് സ്റ്റുഡിയോസ് എന്നീ കമ്പനികള് ചേര്ന്നാണ് അവതരിപ്പിക്കുന്നത്. എസ്. തമനാണ് ചിത്രത്തിന്റെ സംഗീത സംവിധാനം നിര്മിക്കുന്നത്.
ജയ്, സത്യരാജ്, അച്യുത് കുമാര്, കെ.എസ്. രവികുമാര്, റെഡിന് കിങ്സ്ലി, അച്യുത് കുമാര്, കുമാരി സച്ചു, രേണുക, കാര്ത്തിക് കുമാര്, സുരേഷ് ചക്രവര്ത്തി എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
