തമിഴില്‍ ഇനി ഐശ്വര്യ ലക്ഷ്മി ആര്യയ്ക്കും സിമ്രാനുമൊപ്പം; സയന്‍സ് ഫിക്ഷന്‍ ചിത്രത്തിന്റെ പൂജ കഴിഞ്ഞു
എന്റര്‍ടെയിന്‍മെന്റ് ഡെസ്‌ക്
Tuesday, 26th October 2021, 4:42 pm
ഐശ്വര്യ ലക്ഷ്മിയുടെ അടുത്ത തമിഴ് ചിത്രം നടന്‍ ആര്യയ്‌ക്കൊപ്പം. സിനിമയുടെ പൂജ തിങ്കളാഴ്ച നടന്നു.
ശക്തി സൗന്ദര്‍ രാജന്‍ സംവിധാനം ചെയ്യുന്ന സയന്‍സ് ഫിക്ഷന്‍ ചിത്രം ആര്യയുടെ 33ാമത്തെ സിനിമയാണ്. പേരിട്ടിട്ടില്ലാത്ത സിനിമ ‘ആര്യ 33’ എന്നാണ് വിശേഷിപ്പിക്കുന്നത്.
‘ടെഡി’ എന്ന സയന്‍സ് ഫിക്ഷന്‍ ചിത്രത്തിനു ശേഷം ശക്തി സൗന്ദര്‍ രാജനും ആര്യയും ഒന്നിക്കുന്ന ചിത്രമെന്ന പ്രത്യേകതയും ഇതിനുണ്ട്. സിമ്രാന്‍, കാവ്യ ഷെട്ടി, ത്യാഗരാജന്‍ എന്നിവരാണ് ചിത്രത്തില്‍ മറ്റ് പ്രധാന വേഷങ്ങളിലെത്തുന്നത്.
സിനിമയുടെ പൂജയ്ക്ക് ശേഷം നടന്‍ ആര്യ തന്റെ ട്വിറ്റര്‍ അക്കൗണ്ടിലൂടെ സിനിമയെപ്പറ്റി സംസാരിച്ചിരുന്നു.
