കാര്ഷിക സര്വകലാശാല ഫീസ് വര്ധനവ്: പ്രതിഷേധം കടുപ്പിച്ച് കെ.എസ്.യു; വെള്ളിയാഴ്ച പഠിപ്പുമുടക്കും
ഡൂള്ന്യൂസ് ഡെസ്ക്
Thursday, 30th October 2025, 10:55 pm
തിരുവനന്തപുരം: കാര്ഷിക സര്വകലാശാലയിലെ ഫീസ് വര്ധനവിനെതിരെ ശക്തമായ പ്രതിഷേധ പരിപാടികളുമായി കെ.എസ്.യു. സര്വകലാശാലക്ക് കീഴിലുള്ള കോളേജുകളില് നാളെ (വെള്ളിയാഴ്ച) സംസ്ഥാനവ്യാപകമായി പഠിപ്പുമുടക്കിന് ആഹ്വാനം ചെയ്തതായി കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര് അറിയിച്ചു.
വിദ്യാര്ത്ഥി വിരുദ്ധ നിലപാടുകളുടെ ഉറവിടമായി സംസ്ഥാന സര്ക്കാര് മാറിയിരിക്കുകയാണെന്ന് അലോഷ്യസ് ആരോപിച്ചു.
ഫീസ് നിരക്ക് കുത്തനെ കൂട്ടിയത് സിന്ഡിക്കേറ്റിന് സമാന അധികാരമുള്ള എക്സിക്യൂട്ടീവ് കമ്മിറ്റിയാണ്. കമ്മിറ്റിയില് സി.പി.ഐ.എം-സി.പി.ഐ പ്രതിനിധികളാണുള്ളതെന്നും അലോഷ്യസ് വിശദീകരിച്ചു.
വസ്തുതകള് ഇതായിരിക്കെ, പി.എം. ശ്രീ വിഷയത്തില് മുഖം രക്ഷിക്കാനായി എസ്.എഫ്.ഐ നടത്തുന്ന നാടകീയ സമരങ്ങള് വിദ്യാര്ത്ഥികള് തിരിച്ചറിഞ്ഞിട്ടുണ്ടെന്നും അദ്ദേഹം വിമര്ശിച്ചു.
