റിയാദ്: അദ്വ അല് ആരിഫിയെ സൗദിയിലെ പുതിയ കായിക സഹമന്ത്രിയായി നിയമിച്ചു. കായിക മന്ത്രി അമീര് അബ്ദുല് അസീസ് ബിന് തുര്ക്കി അല് ഫൈസലാണ് അദ്വ അല് ആരിഫിയെ സഹമന്ത്രിയായി നിയമിച്ചത്. കഴിഞ്ഞ വ്യാഴാഴ്ചയായിരുന്നു നിമയമനം. തന്നിലര്പ്പിച്ച വിശ്വാസത്തിന് അദ്വ അല് ആരിഫി കായിക മന്ത്രിക്ക് നന്ദി അറിയിച്ചു.
സൗദി ഒളിമ്പിക്സ് കൗണ്സില്, ഫുട്ബാള് ഫെഡറേഷന് എന്നിവയിലെ അംഗവും കായിക മന്ത്രാലയത്തിലെ ആസൂത്രണ വികസന അണ്ടര് സെക്രട്ടറിയുമാണ് അദ്വ അല് ആരിഫി.
2011ല് റിയാദിലെ അല്-യമാമ യൂണിവേഴ്സിറ്റിയില് നിന്ന് ബിസിനസ് അഡ്മിനിസ്ട്രേഷനില് ബിരുദം നേടിയ ഇവര് രാജ്യത്തിലെ വനിതാ കായിക വികസനത്തില് വലിയ ഇടപെടല് നടത്തിയ വ്യക്തിയാണ്.
Minister of Sports Prince Abdulaziz Bin Turki (@AbdulazizTF) appointed on Thursday Adwa Al-Arifi (@AdwaAlArifi) as assistant minister for sports affairs.https://t.co/fKX3E8pRG4
— Saudi Gazette (@Saudi_Gazette) December 22, 2022
അല് ആരിഫി 2019ലാണ് സ്പോര്ട്സ് മന്ത്രാലയത്തില് നിക്ഷേപ ഡയറക്ടറായി ചേരുന്നത്. തുടര്ന്ന് സൗദി ഒളിമ്പിക്സ് കമ്മിറ്റി ഒളിമ്പിക്സ് കൗണ്സില് അംഗമായി ഇവരെ നോമിനേറ്റ് ചെയ്യുകയും ചെയ്തു.
