ഇരുമുടിക്കെട്ട് വലിച്ചെറിഞ്ഞതിനുള്ള ശിക്ഷയാണ് അനുഭവിക്കുന്നത്; സുരേന്ദ്രനെതിരെ സംഘപരിവാര് സഹയാത്രികനായ നടന് എം. സന്തോഷ്
ഡൂള്ന്യൂസ് ഡെസ്ക്
Saturday, 25th September 2021, 10:11 pm
തൃശൂര്: ബി.ജെ.പി സംസ്ഥാന പ്രസിഡന്റ് കെ. സുരേന്ദ്രനെ കടന്നാക്രമിച്ച് സംഘപരിവാര് സഹയാത്രികനും നടനുമായ എം. സന്തോഷ്.
ഹിന്ദുക്കള് പരിപാവനമായി കരുതുന്ന ഇരുമുടിക്കെട്ട് നമ്മുടെ ഒരു നേതാവ് വലിച്ചെറിഞ്ഞെന്നും അതിന് ഭഗവാന് അറിഞ്ഞ് കൊടുത്ത ശിക്ഷയാണ് ഇപ്പോള് കാണുന്നതെന്നും സന്തോഷ് തുറന്നടിച്ചു.
തൃശൂരില് തുവ്വൂര് രക്തസാക്ഷി അനുസ്മരണം എന്ന പേരില് ഭാഗമായി വിശ്വഹിന്ദു പരിഷത്ത് സംഘടിപ്പിച്ച ഹിന്ദുധര്മ ജനജാഗ്രതാ സദസ് ഉദ്ഘാടനം ചെയ്യുകയായിരുന്നു അദ്ദേഹം.
‘ശബരിമല വിവാദ കാലത്ത് ഹിന്ദുവിനെ ഉദ്ധരിക്കാന് കുറേ നേതാക്കളെത്തി. പരിപാവനമായ ഇരുമുടിക്കെട്ട് നമ്മുടെ ഒരു നേതാവ് എടുത്തെറിഞ്ഞു. ഓരോരുത്തര്ക്കും കൊടുക്കേണ്ട ശിക്ഷ ഭഗവാന് തന്നെയാണ് കൊടുത്തിട്ടുള്ളത്. ഓരോരുത്തരും അനുഭവിക്കുന്നത് നമ്മള് കാണുന്നുണ്ട്,’ അദ്ദേഹം പറഞ്ഞു.
