ഐ.പി.എല്ലില് ചെന്നൈ സൂപ്പര് കിങ്സിനെതിരെയും വെടിക്കെട്ട് പ്രകടനം പുറത്തെടുത്ത് സണ്റൈസേഴ്സ് ഹൈദരാബാദ് ഓപ്പണര് അഭിഷേക് ശര്മ. ഓറഞ്ച് ആര്മിയുടെ തട്ടകത്തില് നടക്കുന്ന മത്സരത്തില് ടോസ് നഷ്ടപ്പെട്ട് ആദ്യം ബാറ്റ് ചെയ്യാനിറങ്ങിയ ഹൈദരാബാദിനായി മിന്നും പ്രകടനമാണ് അഭിഷേക് പുറത്തെടുത്തത്. 22 പന്തില് 59 റണ്സ് നേടിയാണ് അഭിഷേക് തിളങ്ങിയത്. ആറ് ഫോറുകളും നാല് സിക്സുകളും അടങ്ങുന്നതാണ് താരത്തിന്റെ പ്രകടനം. മത്സരത്തില് ഒരു പുതിയ റെക്കോര്ഡും ഹൈദരാബാദ് ഓപ്പണര് സ്വന്തമാക്കി.
മത്സരത്തില് അഭിഷേകിന് പുറമെ ഹെന്റിച്ച് ക്ലാസനും അര്ധ സെഞ്ച്വറി നേടി. 39 പന്തില് 59 റണ്സാണ് ക്ലാസന് നേടിയത്. ആറ് ഫോറുകളും രണ്ട് സിക്സുമാണ് താരം സ്വന്തമാക്കിയത്.
