സൗത്ത് ആഫ്രിക്കയും ഇന്ത്യയും തമ്മിലുള്ള അഞ്ചാമത്തേയും അവസാനത്തേയും മത്സരം അഹമ്മദാബാദില് നടക്കുകയാണ്. മത്സരത്തില് ടോസ് നേടിയ പ്രോട്ടിയാസ് ഇന്ത്യയെ ബാറ്റിങ്ങിനയച്ചിരിക്കുകയാണ്. നിലവില് ഏഴ് ഓവര് പൂര്ത്തിയായപ്പോള് ഒരു വിക്കറ്റ് നഷ്ടത്തില് 76 റണ്സാണ് ഇന്ത്യ നേടിയത്.
21 പന്തില് 34 റണ്സ് നേടിയ അഭിഷേക് ശര്മയേയാണ് ഇന്ത്യയ്ക്ക് നഷ്ടമായത്. ഒരി സിക്സും ആറ് ഫോറും ഉള്പ്പെടുന്നതായിരുന്നു താരത്തിന്റെ ഇന്നിങ്സ്. കോര്ബിന് ബോഷിന്റെ പന്തിലാണ് അഭിഷേക് പുറക്കായത്. എന്നിരുന്നാലും ഒരു തകര്പ്പന് നേട്ടവും താരത്തിന് സ്വന്തമാക്കാന് സാധിച്ചിരിക്കുകയാണ്.
ടി-20സില് ഒരു വര്ഷം ഏറ്റവും കൂടുതല് റണ്സ് നേടുന്ന രണ്ടാമത്തെ ഇന്ത്യന് ബാറ്ററാകാനാണ് അഭിഷേകിന് സാധിച്ചത്. ഈ നേട്ടത്തില് ഒന്നാമന് ഇന്ത്യന് സൂപ്പര് താരം വിരാട് കോഹ്ലിയാണ്.
ടി-20സില് ഒരു വര്ഷം ഏറ്റവും കൂടുതല് റണ്സ് നേടുന്ന ഇന്ത്യന് ബാറ്റര്, റണ്സ്, മത്സരം (വര്ഷം)
വിരാട് കോഹ്ലി – 1614 – 31 (2016
അഭിഷേക് ശര്മ – 1602 – 40 (2025)
🚨 MOST RUNS IN T20s BY AN INDIAN BATTER IN A YEAR 🚨
