![?php echo $post['title']; ?>](https://assets.doolnews.com/w/900x473/2026/10/sanju-1-1.jpg)
ഇന്ത്യ – വെസ്റ്റ് ഇന്‍ഡീസ് ടി-20 പരമ്പര സമനിലയില്‍ അവസാനിച്ചിരിക്കുകയാണ്. അഞ്ച് മത്സരങ്ങളുടെ പരമ്പരയില്‍ ഇരുവരും രണ്ട് വീതം മാച്ചുകള്‍ വിജയിക്കുകയും നിര്‍ണായകമായ സീരീസ് ഡിസൈഡര്‍ മത്സരം മഴ മൂലം ഫലമില്ലാതെ അവസാനിക്കുകയും ചെയ്തതോടെയാണ് പരമ്പര സമനിലയില്‍ അവസാനിച്ചത്.
Nothing to separate the two sides! The #INDvWI T20I series ends in a hard-fought 2-2 draw 🏆 Well played @windiescricket 🤝 #TeamIndia | @mflone_ https://t.co/hctZnBzn2D
— BCCI (@BCCI) October 17, 2026
ബാറ്റര്‍മാരുടെ കരുത്തറിഞ്ഞ പരമ്പരയായിരുന്നു ഇത്. ബാറ്റര്‍മാര്‍ക്ക് അനുകൂലമായി പിച്ചൊരുക്കിയ മത്സരങ്ങളില്‍ ഇരു ടീമിന്റെയും ബാറ്റിങ് യൂണിറ്റ് ആ അഡ്വാന്റേജ് അക്ഷരാര്‍ത്ഥത്തില്‍ മുതലാക്കി.
അഞ്ച് മത്സരത്തില്‍ നിന്നുമായി ഇരു ടീമുകളും ചേര്‍ന്ന് 105 സിക്‌സറുകളാണ് അടിച്ചുകൂട്ടിയത് എന്നറിയുമ്പോഴാണ് ഈ സീരീസ് എത്രത്തോളം ബാറ്റര്‍മാര്‍ക്ക് അനുകൂലമായി എന്ന് മനസിലാകുന്നത്.
സഞ്ജു സാംസണ്‍. Photo: CSK
പരമ്പരയിലെ അവസാന മത്സരത്തില്‍ വിന്‍ഡീസ് ബാറ്റ് ചെയ്തിരുന്നില്ല എന്നതും, ഇന്ത്യയ്ക്കാകട്ടെ വെറും 7.4 ഓവര്‍ മാത്രമാണ് ബാറ്റ് ചെയ്യാന്‍ അവസരം ലഭിച്ചത് എന്നതും ഇതോടൊപ്പം ചേര്‍ത്തുവെക്കണം.
എന്നിട്ടും ഈ പരമ്പര ചരിത്രത്തിന്റെ ഭാഗമായിരിക്കുകയാണ്. ഒരു ടി-20ഐ ബൈലാറ്ററല്‍ സീരീസിലെ ഏറ്റവുമുയര്‍ന്ന നാലാമത് സിക്‌സറിന്റെ നേട്ടം സ്വന്തമാക്കിയാണ് ഇന്ത്യ – വിന്‍ഡീസ് സീരീസിന് അവസാനമായത്.
ഷായ് ഹോപ്പ്. Photo: ICC
ബെംഗളൂരു പോലെ ഒരു പിച്ചില്‍ അവസാന മത്സരം പൂര്‍ണമായും നടന്നിരുന്നെങ്കില്‍ ഒരുപക്ഷേ ടി-20 ചരിത്രത്തില്‍ ഏറ്റവുമധികം സിക്‌സറുകള്‍ പിറവിയെടുത്ത ബൈലാറ്ററല്‍ സീരീസായും ഇത് മാറുമായിരുന്നു.
ഒരു ടി-20ഐ ബൈലാറ്റല്‍ സീരീസില്‍ ഏറ്റവുമധികം സിക്‌സറുകള്‍
(ടീമുകള്‍ – ആകെ സിക്‌സര്‍ – വര്‍ഷം എന്നീ ക്രമത്തില്‍)
വെസ്റ്റ് ഇന്‍ഡീസ് & ഇംഗ്ലണ്ട് – 120 – 2023
വെസ്റ്റ് ഇന്‍ഡീസ് & ഓസ്‌ട്രേലിയ – 117 – 2025
ഇന്ത്യ & ന്യൂസിലാന്‍ഡ് – 116 – 2026
ഇന്ത്യ & വെസ്റ്റ് ഇന്‍ഡീസ് – 105 – 2026*
അഭിഷേക് ശര്‍മ. Photo: BCCI/x.com
പരമ്പരയിലെ ആദ്യ മത്സരത്തില്‍ 15 സിക്‌സറുകളാണ് അടിച്ചെടുത്തത്. ഇന്ത്യ എട്ടും വിന്‍ഡീസ് ഏഴും. രണ്ടാം മത്സരത്തില്‍ വെസ്റ്റ് ഇന്‍ഡീസ് 20ഉം ഇന്ത്യ 13 സിക്‌സറുമടിച്ചപ്പോള്‍ റാഞ്ചിയില്‍ ആകെ പിറന്നത് 33 സിക്‌സറുകള്‍.
മൂന്നാം മത്സരത്തില്‍ 21 സിക്‌സര്‍ (ഇന്ത്യ – 8, വെസ്റ്റ് ഇന്‍ഡീസ് – 13) പിറന്നപ്പോള്‍ നാലാം മത്സരത്തില്‍ ഇരു ടീമുകളും ചേര്‍ന്ന് അടിച്ചുകൂട്ടിയത് 29 സിക്‌സറുകളാണ് (ഇന്ത്യ – 13, വെസ്റ്റ് ഇന്‍ഡീസ് -16). അവസാന മത്സരത്തില്‍ 7.4 ഓവറില്‍ നിന്നുമായി ഇന്ത്യ ഏഴ് സിക്‌സറും നേടി.
തിലക് വർമ
അതേസമയം, വിന്‍ഡീസിനെതിരായ പരമ്പരയ്ക്ക് പിന്നാലെ ന്യൂസിലാന്‍ഡ് പര്യടനത്തിനുള്ള മുന്നൊരുക്കത്തിലാണ് ഇന്ത്യ. ടെസ്റ്റും ഏകദിനവും ടി-20യുമായി ഓള്‍ ഫോര്‍മാറ്റ് പരമ്പരകളാണ് ഇന്ത്യ ന്യൂസിലാന്‍ഡില്‍ കളിക്കുക.
Content Highlight: A total of 105 sixes were hit in the India vs West Indies T20 series.
