മത്സരത്തില് ടോസ് നഷ്ടപ്പെട്ട് ബാറ്റിങ്ങിനിറങ്ങിയ യു.എസ്.എ സായ്തേജ മുക്കമല്ലയുടെ കരുത്തിലാണ് സ്കോര് ഉയര്ത്തിയത്. 20 റണ്സ് നേടിയ ഷയാന് ജഹാംഗീര് പുറത്തായതിന് പിന്നാലെ വണ് ഡൗണായാണ് മുക്കമല്ല കളത്തിലിറങ്ങിയത്.
51 പന്ത് നേരിട്ട് നാല് സിക്സറിന്റെയും അഞ്ച് ഫോറിന്റെയും അകമ്പടിയോടെ 79 റണ്സാണ് താരം സ്വന്തമാക്കിയത്. 154.90 എന്ന മികച്ച സ്ട്രൈക് റേറ്റിലായിരുന്നു മുക്കമല്ലയുടെ പ്രകടനം.
നെതര്ലന്ഡ്സിനായി ബാസ് ഡി ലീഡ് മൂന്ന് വിക്കറ്റെടുത്തപ്പോള് ലോഗന് വാന് ബീക്ക്, കെല് ക്ലീന്, ഫ്രെഡ് ക്ലാസന് എന്നിവര് ഓരോ വിക്കറ്റ് വീതവും സ്വന്തമാക്കി.
𝗜𝗻𝗻𝗶𝗻𝗴𝘀 𝗕𝗿𝗲𝗮𝗸 🔥
USA post 196/6.
Flat deck. Quick outfield. This is a chase.
Nothing on this wicket scares us.
Time to step up. Time to hunt.
Stay loud, Orange. 🧡
മറുപടി ബാറ്റിങ്ങിനിറങ്ങിയ ഡച്ച് ആര്മിക്ക് തുടക്കം മുതലേ പിഴച്ചു. മികച്ച കൂട്ടുകെട്ടുകളുണ്ടാക്കാനോ സ്കോര് ഉയര്ത്താനോ അനുവദിക്കാതെ യു.എസ്. ബൗളര്മാര് ഓറഞ്ച് പടയെ വരിഞ്ഞുമുറുക്കി.
17 പന്തില് 23 റണ്സ് നേടിയ ബാസ് ഡി ലീഡാണ് നെതര്ലന്ഡ്സ് നിരയിലെ ടോപ്പ് സ്കോറര്. ക്യാപ്റ്റന് സ്കോട്ട് എഡ്വാര്ഡ്സ് 14 പന്തില് 20 റണ്സടിച്ചപ്പോള് മാക്സ് ഒ ഡൗഡ് 11 പന്തില് 13 റണ്സുമായി മൂന്നാമത് മികച്ച റണ് ഗെറ്ററായി.
യു.എസ്.എയ്ക്കായി ഹര്മീത് സിങ് നാല് വിക്കറ്റ് വീഴ്ത്തി. മൂന്ന് വിക്കറ്റുമായി ഷാഡ്ലി വാന് ഷാല്ക്വിക് പതിവുപോലെ തിളങ്ങിയപ്പോള് മുഹമ്മദ് മൊഹ്സിന് രണ്ട് വിക്കറ്റും നോഷ്തുഷ് കെന്ജിഗെ ഒരു വിക്കറ്റും സ്വന്തമാക്കി.
Content Highlight: 2026 T20 World Cup: USA defeated Netherlands
