2026 ടി-20 ലോകകപ്പില് അഫ്ഗാനിസ്ഥാനെ പരാജയപ്പെടുത്തി ന്യൂസിലാന്ഡ്. ചെന്നൈയിലെ എം.എ. ചിദംബരം സ്റ്റേഡിയത്തില് നടന്ന മത്സരത്തില് അഞ്ച് വിക്കറ്റിന്റെ വിജയമാണ് കിവീസ് സ്വന്തമാക്കിയത്.
അഫ്ഗാനിസ്ഥാന് ഉയര്ത്തിയ 183 റണ്സിന്റെ വിജയലക്ഷ്യം ടിം സീഫെര്ട്ടിന്റെ കരുത്തില് 17.5 ഓവറില് ന്യൂസിലാന്ഡ് മറികടന്നു. ടി-20 ലോകകപ്പ് ചരിത്രത്തില് ആദ്യമായാണ് ന്യൂസിലാന്ഡ് 170+ സ്കോര് ചെയ്സ് ചെയ്ത് വിജയിക്കുന്നത്.
Batting sets the platform as New Zealand claim victory in their #T20WorldCup opener 💪
മത്സരത്തില് ടോസ് നേടി ബാറ്റിങ് തെരഞ്ഞെടുത്ത അഫ്ഗാനിസ്ഥാന് ഗുല്ബദീന് നായിബിന്റെ കരുത്തിലാണ് മികച്ച സ്കോറിലെത്തിയത്. മൂന്നാം നമ്പറില് ക്രീസിലെത്തിയ താരം 35 പന്ത് നേരിട്ട് 63 റണ്സുമായി മടങ്ങി. നാല് സിക്സറും മൂന്ന് ഫോറും അടക്കം 180.00 എന്ന മികച്ച സ്ട്രൈക് റേറ്റിലായിരുന്നു താരത്തിന്റെ പ്രകടനം.
An attacking fifty from Gulbadin Naib guides Afghanistan in Chennai 🙌
ഒടുവില് നിശ്ചിത ഓവറില് ആറ് വിക്കറ്റ് നഷ്ടത്തില് അഫ്ഗാന് 182ലെത്തി.
കിവികള്ക്കായി ലോക്കി ഫെര്ഗൂസന് രണ്ട് വിക്കറ്റ് വീഴ്ത്തി. അസ്മത്തുള്ള ഒമര്സായ് റണ് ഔട്ടായപ്പോള് മാറ്റ് ഹെന്റി, ജേകബ് ഡഫി, രചിന് രവീന്ദ്ര എന്നിവരാണ് ശേഷിച്ച വിക്കറ്റെടുത്തത്.
മറുപടി ബാറ്റിങ്ങിനിറങ്ങിയ ന്യൂസിലാന്ഡിന് തുടക്കം പാളിയിരുന്നു. ഓപ്പണര് ഫിന് അലനെ ഒറ്റ റണ്സിനും രചിന് രവീന്ദ്രയെ ഗോള്ഡന് ഡക്കാക്കിയും മുജീബ് ഉര് റഹ്മാന് മടക്കി.
ടീം സ്കോര് 88ല് നില്ക്കവെ ഫിലിപ്സിനെ മടക്കി റാഷിദ് ഖാന് കൂട്ടുകെട്ട് പൊളിച്ചു. 25 പന്തില് 44 റണ്സുമായി നില്ക്കവെയായിരുന്നു ഫിലിപ്സിന്റെ മടക്കം.
പിന്നാലെയെത്തിയ മാര്ക് ചാപ്മാനൊപ്പവും സീഫെര്ട്ട് കൂട്ടുകെട്ടുണ്ടാക്കി. ടീം സ്കോര് 124ല് നില്ക്കവെ നാലാം വിക്കറ്റായി സീഫെര്ട്ടിനെ മടക്കി മുഹമ്മദ് നബി ടീമിനാവശ്യമായ ബ്രേക് ത്രൂ സമ്മാനിച്ചു.
42 പന്തില് 65 റണ്സുമായി നില്ക്കവെ അസ്മത്തുള്ള ഒമര്സായിക്ക് ക്യാച്ച് നല്കിയായിരുന്നു താരത്തിന്റെ മടക്കം. മൂന്ന് സിക്സറും ഏഴ് ഫോറും അടങ്ങുന്നതായിരുന്നു ന്യൂസിലാന്ഡ് ഓപ്പണറുടെ ഇന്നിങ്സ്. മത്സരത്തില് നേരത്തെ ലൈഫ് കിട്ടിയ സീഫെര്ട്ട് അവസരം കൃത്യമായി തന്നെ വിനിയോഗിച്ചു.
പിന്നാലെയെത്തിയവരും തങ്ങളുടേതായ സംഭാവനകളും നല്കിയതോടെ 13 പന്ത് ബാക്കി നില്ക്കെ ന്യൂസിലാന്ഡ് വിജയലക്ഷ്യം മറികടന്നു. മാര്ക് ചാപ്മാന് (17 പന്തില് 28), ഡാരില് മിച്ചല് (14 പന്തില് 25*), മിച്ചല് സാന്റ്നര് (എട്ട് പന്തില് 17*) എന്നിവരാണ് മറ്റ് റണ് ഗെറ്റര്മാര്.
Mark Chapman bring up 2000 T20I runs 👏
He has scored 1616 for New Zealand and 392 for Hong Kong.
ഫെബ്രുവരി പത്തിനാണ് കിവീസ് അടുത്ത മത്സരത്തിനിറങ്ങുന്നത്. ചെപ്പോക്കില് നടക്കുന്ന മത്സരത്തില് യു.എ.ഇ ആണ് എതിരാളികള്. അടുത്ത ദിവസം അഫ്ഗാനിസ്ഥാനും തങ്ങളുടെ രണ്ടാം മത്സരത്തിന് കളത്തിലിറങ്ങും. ഗുജറാത്ത് ക്രിക്കറ്റ് അസോസിയേഷന് സ്റ്റേഡിയത്തില് സൗത്ത് ആഫ്രിക്കയെയാണ് ടീമിന് നേരിടാനുള്ളത്.
Content Highlight: 2026 T20 World Cup: New Zealand defeated Afghanistan
